quo ché qu 'té fait là ti ?
par minloute le, 05/07/2011Zallez dire, minloute ché un ronchon, j' va commincher à l' croire, cha fait un bail que m' femme am' dit cha
quand que j a été à Bruay , j a monté au 3 , pi eune fos que j a visité ch' cim'tiere , j a ardéchindu rue ou boulevard victor hugo, et là j' l a cor arvu à l' intersection avec la rue de Boulogne
là au coin, l 'estatue de Gavroche, ché sur que l' estatue ale est là pour souligner qu in est boulevard ou rue victor hugo ................
j' veux bin, mais y a ti eune estatue d' Emile Basly dins l' coin ? li qui a été un grand syndicaliste du début du 20 ème sièque
j' dis Emile Basly, cha auro pu et' un aut', j' su pas sectaire , mais ché à croire qu in a honte d' sin passé par ichi
l'mémorial des mineurs camuché au d' sus d' un reservoir au niveau du 5, que ché presque un jeu d' piste pour l' trouver, pi cor té do lever t'tiete bin in hauteur pour l' vire ....
et ch' monumint qui a place d' l europe, du que l' estatue du mineur ale est intourée d' caisses d' canettes vites, ou d' tags , tout cha camuché derriere eune hayure
in diro qu in a honte d' not' passé ouvrier, qui faut tourner la page, in fait après avoir souffert, faut pas faire d' vague..........
in l' auro mis là ch' monumint des mineurs , chéto s' plache , et pi armette Gavroche ach' train direction Paris
cha auro été normal vu quel' 3 cha a été un des puits les plus actifs au début du 20ème siècle à Bruay
in a tout rasé au niveau du siège, reste pu que ch' terril du quel' végétation ale arprint l' dessus , in a abattu des corons intiers , et l' temps y passe et les souvenirs disparaissent
( 1 photos)