''i fréquente''
par minloute le, 10/07/2011à hauteur del tape d' cuisine, j' a ram'né mes soldats et 2 ou 3 carettes, j a promis à M'man , d' pas juer trop fort ...
ouais in fait en juant j' arproduiso l' musique qu in intindo dins ché ouesternes des années 60
quand que les cavaliers i chargeotent cha faijo "ta ti ta ta, ta ti ta ta ....", vous moquez pas, ché pas eune ambulance qu ale passe dins l' rue
ou que j imito l' cri des indiens quand qui zattaquotent l' convoi des gentils blancs qui voulotent s' installer su leurs terres, mais que eux i zétotent pas méchants, arcouverts d' peinture d' guerre, qui scalpotent pas ché ennemis, et qui tuotent pas sans raison apres avoir bu d' "l io de feu"
(plus tard, j a appris que ché blancs au temps du ouestern ,à part s' mette des peintures d' guerre, i zavotent aussi scalpé, tué sans raison et qui pouvotent avoir été aussi méchant , voir plus méchants que ché zindiens qu in nous montro al' télé)
mais in est pas là pour discuter d' cha, j' su assis au coin del tape, sag'mint in train d' juer ,pendant que l' cousine Clara ale vient d ' arriver al' mason et qu ale discute avec m' mère
j' vous a djà raconté in long in larche et in travers les discussions d'Clara que j acouto toudis du coin d' l'orele sans montrer am' mère que j acouto quand meme
y avo des mystères dans ché conversations, ché quand que Clara ale baisso l' ton, que j' a compris au fil du temps que chéto soit qu ale parlo del' santé d' quéqu un , et que cha allo pas, ou qu ale parlo des' santé "intime"
et l' plus interessant quand qu ale nous faijo "point d' vue imaches du monte" .... in racontant à mots à peine couverts ou que j avo appris à decripter les "heurs et malheurs " d' certaines personnes
"bin l' fille machin ale est pu avec l' fils bidule" , "bin nan Odette, vous l' savez pas ? " ...
et là al' baisso la voix, justemint quand que cha d'veno interessant ....
mais j' vous jure et ché vrai , m'mère al' mel dijo plus tard, mi j' peux acouter 3 conversations in meme temps pi réagir quand qui faut ...
m' mère am' dijo in comparaison , que j éto eune éponche, j' absorbo tout
d' ailleurs ché pour cha que j a , j' pinse tant d' souv'nirs à vous raconter asteure
donc in arvient al' conversation entre Clara et m'mère et j' vous armets en condition , donc cha finisso juste avant par
"bin nan Odette, vous l' savez pas?"
faut dire que m'mère ale passo son timps à s occuper des ' mason à faire les courses et as' mélo pas d' ché zhistoires comme cha
Clara ale poursuivo in baissant l' ton " bin sin mari y a rintré plus tot al' barraque et ale éto pas in train d' passer l' aspirateur si vous voyez c' que j' veux dire"
M'man ale comprenno mais chéto pas l' ginre du tout à relever ché zhistoires comme cha ......
mi j' comprenno pas au départ ,l' aute i rinte plus tot al' barraque, l' femme ale passo pas l aspirateur et i viffent pu insempe .....y est dur ch' gars là pour d' minder l' divorce "
mais juste aprés, cha faijo comme pour l' femme d' champe du sofitel , "cha faijo un momint que cha traino ch' t histoire là" "tout l' quartier y éto au courant" " i zétotent pas discrets " et pour conclure "ale en cange comme nous d' quémiches "
j' savo pas bien c' qu ale faijo ch'te femme, mais am' mote qu ale devo pas bin faire sin ménache, que tout l' quartier i éto au courant, qu ale devo faire des bétisses avec quéqu un qui éto pas son mari
mais quand que j'pinso des bétisses, chéto pour mi comme des jeux d infants, ptete pas tirer des sonnettes ou juer al' guisse , mais des jeux d' grands, sans m' douter UN SEUL INSTANT à tout c' que cha pouvo in fait arcouvrir ch' t expression là
Clara ale continuo et là ale parlo pu discret'mint , ale ajouto " ché pas bio Odette savez, eune femme qu ale bo" ou "savez Odette, l' plus dur ché pour ché zéfants" ou " bin asteure ale peut braire, i la foutu al' cour"
in voyo bin l' déchéance quand que j intindo " ale est partie avec ch' t inconnu, ale a laissé ché zéfants al' voisine , ché terripe cha Odette"
Odette ale opino del tiete
aut' grand mystère, chéto quand que Clara ale faijo l' tour d eune famile in parlant am' mère
"ah Martine !, bin ale fréquente asteure "
m' mère " déjà ?" et Clara qui continue " bin cha li fait 20 ans ch' t année"
et m' mère " ché vrai cha , j éto al' maternité avec s' mère , ale est du meme ache que m' file"
"mon diu qu' cha passe vite "
bon , mi assis avec mes soldats in plastique, "ale fréquente " cha veut dire quo cha ?
pi j a comminché à comprinte que toutes ché zhistoires chéto lié à des "relations" dans l' sens l' plus sage , entre ché grantes files et ché grands garchons
mi cha m étonno toutes ché zhistoires là, pour mi un papa et eune maman i s' rincontrotent , i zavotent des zinfants pasqu i dormottent COTE A COTE dins l meme lit
et que , j' vous jure que j' croyo que chéto comme cha, qu à forche d' dormir l un à coté d' l aute , l' maman ale attropo comme eune chifernée , un rhume si vous préférez et que ché comme cha qu in faijo les bébés
l' plus dur à "avaler" , ché pas un bio terme pour parler d' cha j en conviens, ché quand qu in comprint ou qui a un "grand" qui nous explique et qui nous monte des photos qui montrent sans équivoque qui a du y avoir contact physique entre l' papa et la maman
que mi , j' fais pas del thérapie d' groupe, mi j a eu beaucoup d' mal à l' comprinte , vu que quand que j avo 8 ou 9 ans, min père i avo djà presque 60 ans et m' mère 50 ......
ché plus tard in ravisant ché photos anciennes, que j a vu un bio garchon blond et eune belle jone file brune que j' a compris que cha avo été possipe .......
dins l' temps quand deux jones fréquentotent sérieuseumint et qui z'avotent l'intention de s'marier i demindotent que cha soit l' garnoule ou l' garchon l' permission à leurs parints pour faire rintrer l' premier cop à leur mason leur amourette.
insuite chétot les fiançailles j'en sait pus dusse que cha s'passo si chéto ché l'garnoule ou l'garchon.
l'semaine d'avant i fallo que les mères fassent l'mason à fond faire ché poussières,récurer ch' carelache,arsortir l'belle vaisselle qui éto dins ch' buffet bas pour les grantes occasions pour l'arlaver.etc..
les temps ont cangé ej su comme certains d'intre vous bien plaché pour l'savoir que cha n'se fait pus
mais chéto eune us et coutume.