Sirop Thyphon, Kario Gelée royale et graines d' sésame

Sirop Thyphon Kario, gelée royale, graines d' sésame .......................

demindez l' programme !

vlà chi des produits dont les vertus médicinales ale sont pu à prouver, et cha va m' permette d' vous raconter queques souvenirs qui comminchent à dater ....


quand que j ' allo al' piscine Grossemy, Cours Kennedy, y avo des fos, j' avo pas trop invie d' armonter à pied

alors j' passo ch' tiot pont qui yavo au d' sus d' la Lawe, pas chti in bas d' la rue des Escaliers, mais chti qui permetto d' arjointe la place Marmottan, en passant sul' coté d' la salle des fêtes , du qui yavo la permanence du syndicat CFDT,que chéto l' "quartier général" d' min père l'vendredi soir

d' ailleurs cha arringeo m' mère que j' passe par là, comme cha min père i rintro plus vite al' mason, ché pas qui buvo et que j' devo aller l' querre ...

nan,j' vous rassure, ché que li chéto un passionné, alors i voyo pas l' heure passée, et m'mère ale rallo toudis pasqu i arrivo al' mason toudis in r'tard , pasqu i avo toudis eune affaire à acouter, ou à faire l' point avec quéqu un qui veno d'minder des renseign'mints

l' pire momint chéto quand que chéto les déclarations d impot, là i donnotent un coup d' main à ché gins pour rimplir ché feules ...

bon j arviens à min sujet sinan in est pas couqué mes gins ....

avec du r'cul, ché là , sul' coté del salle des fetes, qu in attindo not' tour quequ' zannées auparavant, j' devo et' en CM1 j' cro bin, classe de mr Sergent , Ecole Loubet ....

in attindo d' monter en scène mes gins ....si si, chéto pour l' repas des anciens j' cro bin

en fait nous à Loubet in avo préparer un spectaque sur eune canchon de Richard Anthony, "le sirop Thyphon" ....

mi d' dins j' juo un personnache qui bégayo et qu eune fo i buvo ch' sirop thyphon, i devono muet .....

pour vous dire l efficacité du médicamint ....

in devo pas faire note spéctaque ichi, chéto prévu del faire au Stade Parc, aprés avoir fait le spéctaque des landies ...

malheureus'mint, nous in éto prévu en deuxieme partie, plutot vers la fin du spéctaque, et in a archu ch' jur là , in l a djà dit à plusieurs reprisses, un orache digne d' la fin des temps ......

tribunes vidées en queques mineutes, trombes d io à plus vire à 50 metes, draches dileuviennes, i auro vu arriver l arche de Noé que cha nous zauro pas étonné

bilan de ch' ' t orache, débandate complète, chacun essayant d artrouver ses parints, pour pouvoir artourner as' mason, qu in éto tous fraiques , d' la tiete à l interieur des cauchettes, in passant par le snipe ..........

j' me souviens qu' min père ....bref bilan , ché que tous ceux qui ont pas pu présenter leur spéctaque à la fete des écoles, i zont eu drot à l' présenter au repas des anciens

chéto plus dur à faire, pasque ché l'premier coup qu in allo faire un spectaque sur eune vraie scène , pi avec un public juste devant nous , in éto pas si rassuré qu' cha

in n éto pas les seuls d' ailleurs, y avo aussi eune aut' classe , d eune aute école, nous chéto l' sirop thyphon , eux chéto le kasatchoque ,l' canchon d' Rika Zarai

j a su mais bin des années aprés, que chéto la premiere fo que j avo du rincontrer André de Marles, qui li éto dins ch' t aut' classe

(eux leu spectaque, chéto moins bien qu' nous , enfin cha chéto meme pas la peine del' dire, chéto évident...)