Sirop Thyphon Kario Gelée royale et graines d' sésame suite cor

bon in a vu l' sirop thyphon, l' Kario, donc asteure la gelée royale et les graines d' sésame

la gelée royale et les graines d' sésame, chéto l' dada à un camarate d' jeunesse d' min père , enfin qui éto quand meme plus jeune qu' min père d ' eune dizaine d années

y allo d' temps en temps al' permanence, mais ché un coup qu in éto en vacances à Merlimont, qu' eune aprés midi ,au lieu d' aller à la plage, qu in a été rinte visite à sin copain qui avo un mobilome dans un parking , pas loin d' bagatelle ......

in a été fort bin accueilli, cor que mi , in peut pas dire , mais enfin ch' monsieur là chéto comme sin aut' camarate, li chéto pas l' Kario, chéto la gelée royale et ché graines d' sésame ..
pour ché graines d' sésame, s' femme ale s in moquo gentimint ale dijo" j' fais attintion Léonce qui a pas des pleumes qui li pousse à sin derriere, i minche comme ché coulons asteure"

quo qu ale avo pas dit là....li cha l a pas fait rigoler du tout, in rigolo pas avec la gelée royale et les graines d' sésame

d' abord i nous za fait un descriptif qu au final tout c' qu in mingeo chéto du brin, que ch' meilleu chéto les graines d' sésame et la gelée royale ......

i nous za expliqué dins l' détal, à l' abri d' sin mobilome qui éto surcauffé, ouais ché pas comme asteure du que ché vraimint confortape , commint que chas ' faijo du miel et que l' gelée royale chéto pour la reine

mi cha commincho am' gonfler , escusez me du terme, mais j avo l impression d assister à eune réunion tipere ouère , si vous voyez c' que j' veux dire .....

in a pratiqu'mint parler que d' cha, ou plutot chéto qu un monologue

d' ailleurs en arpartant , m' mère ale a armercier min père pour s' n idée d aller vire sin copain

in plus qui avo voulu expressemint qu in i goutte as'gelée royale, m' mère ale a pas voulu , ale aimo pas l' miel, l' aute qui insisto, et mi bin sur, à 16 ans, pas la peine d essayer de m' faire avaler cha .......