arpartir vers l' passé pour s' arperer asteure
par minloute le, 11/07/2011cha fait un momint que j avo pas ravisé dans l' détale les magasins d' la rue Henri Cadot à Bruay
quand j y su passé, j' cacho du qui éto situé ch' magasin Dambrine , j in éto pu très sur à eune ou deux vitrines près....
Dambrine chéto eune institution, chéto un des premiers à publier des cartes postales su Bruay (Dambrine Pin) , l' aute qu in trouvo aussi chéto Ballet Lebrun , qui li éto situé tout in bas del rue des escayers , du qui a eu ou qui a cor ,un magasin d' farces et attrapes
Dambrine chéto un imprimeur d' renom su la plache d' Bruay, t'avo des menus d'mariache ou d' communion à imprimer , ché là que t allo
chéto aussi jusqu au tout début des années 70, avec chez Dupond , qui li éto situé such' trottoir en face du lycée, un des magasins incontournapes d' fournitures scolaires, d' liffes d école, mais aussi d' liffes d' poche
près d' 40 ans aprés j a eu du mau à trouver exactemint l' emplach'mint du magasin, alors j a été arvire dans les photos anciennes, et j' a trouvé .............
ché en armarquant qui yavo un pignon, pi eune porte cochère que j a pu m arpèrer
j' vous mets ichi eune photo ancienne d' la librairie et imprimerie Dambrine, pi des photos toutes récentes, prisses l' mo dernier
ch est l' batimint plus haut qu' les zautes à gauche du pressing (qui est installé au coin d' puis un momint) et pi ch' lunetier Krys avec ses enseignes bleus
l' ancienne porte cochère ale est devenue eune porte d' garache couleur bordeaux
in l' vo cor miu su la troisieme photo
El photo ancienne, à côté ed mon Dambrine, el porche chéto en' intrée pour aller à l'arrière ed des logemints, ché la qu'ech' passo pour aller ché min dentiste Foratier...
sitôt passé el porche, y avo en' tiote porte à droite, in monto à l'étach' par un tio escalier bien in pente, et in arrivo din'l salle d'attente, après y s'a installé rue ed la gare, ché ess' fill' mariée qui tient ach'theure el dentisterie Deleval Foratier, 543 rue Louis Dussart.....
( 3 photos)