du qui sont ........

j in avo djà parlé y a djà un momint, ch' te canchon qui comminche par "du qui sont ché compagnies d' mineurs".........

comme eune boutele d' bon vin ché eune canchon qui print et qui prindra hélas toute s' forche dans les decennies qui viennent

chéto meme eune des dernieres d' album qui avo fait Renaud, quand qui avo jué dans le flime Germinal

chte canchon ale a pas l' "entrain" del canchon de Pierre Bachelet "les corons" mais ale est toute aussi forte in émotion, in témoignaches et in souv'nirs

j' voudro finir par armercier Guy Dubois

cha fait un momint qui oeuve pour not' parlache, pour les souv'nirs d' ché fosses ......

j' diro meme du temps du que cha paraisso meme anachronique d' s'y interesser ......

nous in nous avo rabaché à l école que l' patois chéto pas eune "belle langue" .....

j' me souviens d' l instituteux qui dijo, "hier in a vu Jean Pierre Beltoise , ch' courreu automobile passer al' télé , y a dit quéquosse d' "maltapropos", quo que vous croyez qu' ché gins i vont croire, bin que chtilale ch est un demeuré et qui sait pon parler français

et vous avec ch' patois zallez dire que zavez été à mon dem'matante, ou qu' zavez été farcé ?"

nous in éto bon public in avo pas 10 ans, chéto avant 1970 tout cha , et in rio

i nous faijo taire après s' n effet, et i nous metto en garte que si fallo réussir dans la vie , fallo travailler à l école et pas parler l' patois"

pied de nez à l histoire, quequ' décénnies aprés , ché Guy Dubois qui s'metto devant ch'tableau, qui arprenno l' blousse grisse pour nous REAPRINTE si ché cor possipe ,ou au moins pas l oublier et pas l'dénigrer ,l' parlache d' nos taions.....

j' diro aussi, à vous ché anciens,vous qui avez été cor travailler meme que quequ' zannées au fond del fosse, vous possedez un trésor inestimape ....

ché pas par vos collections ou objets d' la mine que zavez cor in vot' possession, nan ché vos souvenirs à vous ....a

alors pinsez à nous, pinsez aux générations futures, écrivez vos souvenirs del fosse meme si pour vous , vous doutez que cha pourro interesser ché gins

j' fais pas cha pour "récupérer" vos souvenirs, qui so publiés sur histoires de chtis , sur un aute site, ou simplemint "couchés " sur papier, l' important ché d' passer l' flambeau à ché générations futures