Marmottan, Marmottan et Marmottan
par minloute le, 16/07/2011pas facile d' suive le parcours d' la famille Marmottan à Bruay , cha porte à confusion , j' m a trompé et j' cro la mairie aussi
l' parcours de JULES MARMOTTAN, président du conseil d administration des mines de Bruay de 1862 à 1889, j' vous l a décrit , ché ch' pauvre homme qu in a déplacé son estatue place Marmottan , qu in li a artiré l estatue du mineur qui avo sus'tompe et qu ale a asteure s' tiete qu ale berloque su sin monumint
faut que j' m in occupe d' cha d' ailleurs ......
après y a eu sin fils PAUL MARMOTTAN, à qui j a attribué ch' monumint qui est dans l allée principale su la gauche du cimétiere du Numéro 3
mais li , si j' simplifie , y a surtout vécu del fortune d' papa pi del fructification deus' capital là, pour aller s' ballader dins toute l' europe, pi s interesser aux oeuvres d' art du second empire .........
par conte ,y a HENRI MARMOTTAN aussi, et li chéto l' frère de JULES MARMOTTAN
Y a été député de la seine, maire du 16 ème arrondissement d' paris , pi y a pris la suite de son frère à la présidence du conseil d administration de la Compagnie des Mines de Bruay
il éto aussi savant et ornithologue , il venait rarement à Bruay , que pour présider les réunions du conseil et distribuer à sainte barbe des subventions aux sociétés locales ........
CH EST LI qui a un monumint d érigé dans l' cimétiere du numéro 3
par conte, dans la cité du Nouveau Monde , savez du qui a les rues du canada, des états unis etc etc, ché là qu in a érigé vers 1906 1908 eune école qui sera baptisée HENRI MARMOTTAN
j' vous vois vous dire, minloute té f'ro miu à l avenir à miu raviser tes sources et pas t'tromper dins ché Marmottan ....
quoi que ... y a pas qu' mi qui fait des erreurs .... vous pouvez raviser dans le site officiel de la mairie, l' école Henri Marmottan ale a été attribuée à sin frère Jules ..... ché l école J Marmottan ..............
( 3 photos)