Les jardinsmatante Marguerite
par nounours-94 le, 16/07/2011ché t'eune femme qui n'a pas eu ed chance. ale a perdu ses deux infants morts d'eune méningite et s' n'homme d'eune crise cardiaque in l'espace ed 3 mos. chétot pendant la guerre. ale est partie rester ché m' tante et min parrain rue ed l'Esplanade. parce qu'ale étot veuve, i voulotent l'invoyer travailler in Allemagne (le S.T.O) ché min grand père qui avot des connaissances, qui li a évité cha.
la guerre finie ale est partie habiter rue d'Bellevue. ale étot toudis habillée in noir. ale étot tiote, min mononque i avot fait un tiot marche-pied pour raviser esse qui s' passot dins l'rue par esse porte à battant. souvint quand on allot as' mason ale disot toudis: "justemint ej pinsos à vous autes"
quand j'étos tiot j'allos souvint faire eune partie ed carte ou aller faire un tour dins sin gardin pour raviser ché berlines monter such' terril.
et pis un jour ale est quéyue malate i a fallu l'hospitaliser quand on est allé l' vire ale a sorti esse main in faisant vire ses cinq dogts. comme eune sorte ed prémonition. cinq jours après ale sin est allée ar'jointe esse n'homme et ses infants
ale avot 75 ans.
ej l'avos quer em' matante ché pour cha qu'esse sus intrin ed braire in mettant el sujet.
juste eune photo ed mémère et matante Marguerite. ché pas l'original que malheureusemint j'n'arteufe pus. p'tete qui sont v'nues m'l'emprunter allez savoir!! s' qui explique l' mauvaisse qualité
ché t'eune photo que j'ai scanné et incadrée. ale trône sur m' tape d' nuit.
photo prise à m'mason rue d'Bône à l'occasion du nouvel an, i a 40 t'ans
( 1 photos)
