au matin à la mer 3

j' avo comminché avec m' nouvelle épuisette , j' pinso in ramasser des tonnes , savez un peu comme pour eune pèque miraculeuse, mais nan, fallo souvint armette l' épuisette au fond, pi avincher, arlever, pi ram'ner les prises au bord du qui yavo ch' siau

tout l' temps que j' péquo, j' avo quand meme un eule su min siau, pour pas qui n a qui s amusent à v'nir l' piquer , in tout cas j in éto sur ...

j' voyo aussi l' silhouette d' min père s approcher, faut dire qu avec s' gampe raite cha li faijo eune démarche bin caractéristique

i allo s assoir du que chéto sec, vu qui avo pas ker rester debout su plache
là i lijo sin journal tranquil'mint , mi j'avo armonté ch' siau du qui avo ché premieres crevettes à coté d' li, comme cha j' éto rassuré pi comme cha j y montro mes prises à chacun d' mes aller et retours

pi yéto l heure d armonter , là fallo l' faire duch'mint vu que ché mi qui teno l' siau , et min père i teno l' épuisette, cha li servo d' canne

eune fos arvenu sul' sol ferme devant l esplanate, in preno l' rue parallele au boulevard d' la plage pour artourner al' mason

in faijo cha pasque yavo quand meme beaucoup moins d' monte dins ch' te rue, et y éto pas possipe d' avincher vers 11h30 midi su l avenue d' la plage avec min siau avec ché crevettes

chéto l' heure du que certains i zarvenotent d' faire leu courses, d autes i les terminotent, d autes i zétotent arréter à ché terrasses d' bistrot pour boire eune biere, té circulo comme des harings saurs , entre ché gins, ché étals des marchands d' souv'nirs, l' rotissoire de ch'traiteur, sans parler des attroup'mints quand qui avo eune famile qui rincontro eune aut'famile et que chéto des retrouvales qu ale pouvotent durer un bon momint, comme cha au miyeu d' la foule

nous in passo such' coté, dans la rue du que dans l'temps y avo les tennis , par l' avenue de Flandres si vous préferez

du qui avo les masons "gai matin" "chez mamy" "interlude" "paimpol" "barcarolle" qu elles zétotent .....

j avo récupéré ch' siau des mains d' min père juste avant d arriver al' mason
faut dire que j avo failli invoyer dinguer ché crevettes sul' daine eune bonne dizaine d' coups, qu à la fin ya eu pitié d elles et que ché li qui avo pris les chosses en main

mais ché mi qui a montré m' prisse tout fier am' mère

ale les a préparé, bin savez mes gins, minger s' peque, avec un bon morciau d' pain avec du beurre d' sur, avec l' fatique d' la matinée, sintir in plus ché moules cauffer , pi ché frites s' agiter dins l' friteusse .......ché cha l' bonheur y a pas à dire

la preuffe in sin souvient cor 40 ans après , comme si chéto hier