l' rue d'Amont
par nounours-94 le, 22/07/2011dins l' temps ale n'éto pas comme asteur, chéto comme un mini coron des tiotes maisons d'deux pièches rectilignes 4 ringées à droite et autant à gauches si mes souv'nirs sont bon.ale a été rasée i eune quarantaine d'année par l'entreprise Ponchel.
pour arconstruire des masons comme au quartier des terrasses pour celles et ceux qui n' sont pas d' Bruay ché les masons qui sont sur l'implachemint d'el fosse 3 pus précisémint à l'plache du lavoir et ché 2 grands hangards in tôle qui devotent servir au stockage des chistes ou du carbon.
Jacques ou Daniel pourront peut ete nous apporter pus d' précisions
té va m' deminder commint té sai cha nounours? parce qu'ej su du 3 et que min défunt père à travaillé ale démolition d'ché masons
comme ej l'ai dit par ailleurs i allo travailler après ses journées d'fosse pour arrondir les fins d' mos.
ché pa pas pour autant qui délaisso sin gardin.i in avo un rue d'François Calonne et un camp rue d'Saint Omer.courageux papa hein! comme tous les mineurs d'ailleurs
ché un tiot hommache qu'ej voulo i rinte et aux anciens mineurs.
tout ch' bas d' la rue Bonnet in fait, qui donno sul rue d' Amont (rue Jussieu, rue Buffon)
Clara, l'fameusse cousine à min père, ale a habité longtimps rue d' Amont, chéto en fait l' mason d' ses parints
i s' appelotent Boulet
d' là ale parto , pour vous dire cha do dater j' cro d' tout juste aprés la guerre, ale allo travailler au 5
et am' dijo qu ale avo pas trop ker i passer, pasque ach' momint là, yavo un camp d' prisonniers , j' sais pu si chéto des russes ou des allemands
in tout cas yavo un camp d' prisonniers su la gauche si j' me souvins bin de c'qu ale m avo dit , su c' qui est devenu l' avenue Paul Plouvier
ale éto pas rassurée in passant, pasque ale éto interpellée par ché gins là et que chéto quequ' fos "olé olé" , alors ale tourno pas s'tiete vers eux ................
am' dijo aussi que ch' t avenue ale éto longue mais longue à faire à pied, qui yavo eune rangée d' peupliers, d' trenne trenne que j auro du meme dire , et que quand qui pleuvot , ale arrivo fraique au traval
ale nous raconto aussi que comme ale habito rue d' Amont, chéto fréquent qui yavo d' lio dinch gardin, voir meme al' porte del mason avec ché zinnondations
l'longue rue que minloute i parle in l'aplo l'avenue du 5, i avo l'cantine pouchain parel des tiotes masons d' 2 pièches
tous est rasé ché masons l'fosse i reste juste un tiot batimint dusse que les mineurs allotent toucher leur quinzaine du moins j'cro.
i a peut ete subit l'meme sort. cha fait pus d'deux ans que j'en su pas armonté à Bruay.
Très bien connu ch'te rue, mes parints y habitotent à droite du café Marius, plus haut y avo en' boulangerie, après chéto el magasin Vermuse/Verbecq..
Plus bas y avo 2 courettes avec des tiotes maisons, et avant el rue Bonnet tous ché maisons, ed pinsionnés (d'évacués qu'in dijo) em' grand mère maternelle al resto din el rue Buffon
ach'theure y a pu rien qui peut rappeler ché souvenirs d'ech' coin là, à art nous cervelle, du que ché bien inscrit sur sin disque dur.
CHé l'évolution ed certains quartiers ed Bruay...Mais du que cha em' passe par les narines, ché el cité des electriciens qu'on a pu livrer à des palettes... alors là ché du n'importe quoi.... al municipalité i do avoir des orelles qui sifflent.....