à g' noux mes zinfants ....
par minloute le, 25/07/2011ambiance d églisse.....
chuchot'mints, toux, silence, cayelle qui grinche, infant dans eune travée qui brait, odeurs d' mantiaux qui ont été ringés durant toute l' semaine dins zin placard , parfums plus ou moins forts d' dames plus ou moins vieilles ...
in est à la Chapelle Sainte Barbe, j' va vous dire chéto cor l ancien rite , savez ch' curé qui passe sa messe la plupart du temps in nous tournant l' dos pi en cantant en latin
mi j' éto tchiot pi cha m innuyo sec , j' y comprenno rin à tous ché rites là ........
tout cha chéto d un monotone, qu in s'demindo si ché éfants d' choeur qui étotent là en aube blanque, i zayonotent pas ché sonnettes pour nous réveiller, ou in tout cas nous artirer d' not' torpeur
pi un jur, in a vu arriver un nouvel autel , d' eune forme très moderne pour l époque, et à partir dech' momint là, ch' curé y a fait la messe in nous ravisant, et surtout in cantant pu en latin
mi chéto pas vraimint ma tasse de thé mais bon, chéto dins nos moeurs d aller à l églisse l' diminche .......
in récito tous l' Notre Père, faut dire que su la partie droite d' l églisse au d'sus du tabernaque, yavo ché paroles d écrites en grand .........
mais mi l' meilleux momint ché quand qu in sorto, là tout l' monte in sortant i zétotent j' va dire joyeux, mais in tout cas contints
contints en sortint d' dire bonjour à untel et à untel,d' printe des nouvelles d un aute, d 'ailleurs chéto eune des causes que chéto souvint embouteillache dans l' tchiote courée qui yavo d'vant l' porte d' intrée.....
im plus ché gins i s' parlotent fort, vu qu in intindo ché cloches qui sonnotent à toute volée, à moins que chéto un disque avec des gros parleurs ..............
asteure vu qui a pu grinmint d' gins qui vont à l églisse, que ché pretes y font souvint plusieurs paroisses , que la Chapelle Sainte Barbe ale a perdu sin coté sacré
ale a été racatée par la Mairie, qui s in sert pour faire des expositions .....
j' vous dira qu am' sortie d' la cité des électriciens , y a eune dame qu ale m a tindu un prospectusse e ale m a proposé d' "continuer la découverte " et d aller vire c' qui zavotent fait à l' ancienne chapelle Ste Barpe ......
là j' y a dit gentimint, que vu mon ache, si chéto aussi bio qu à la cité des electriciens, j'risquo l infractusse du miocarte et que j' voulo pas met' en danger m' santé ............
pour in arvenir à not' sujet, ché hier qu in visitant eune églisse que j a pris ch'te photo del "sonnette à infant d'choeur".....
( 1 photos)