RC Lens , cha sint l' paté

Nan, quand meme in va pas r'printe l' tite d un artique qu in a djà mis l' saison derniere , mais bon............

in va pas tirer des plans su la cométe, in dijant que ché déjà la fin, mais force est d' constater que commincher l' saison par eune défaite à domicile 2 à zéro conte Reims ché pas l' meilleure fachon d' commincher

surtout que l' public i éto djà excédé en fin d' saison derniere , avec l' ritournelle "jueux surpayés et qui moulent te pas ch' maillot"

vlà ti pas que ché premiers sifflets d' la saison i zont retentis à Bollaert

comme chi ché spectateurs i craignotent la spirale infernale, l 'impossibilité chronique d' produire du jeu, d' construire des zactions, d' mouiller l' maillot, et d aller vers ch' but adverse
in a cor vu des passes imprécises, un manque d automatisme, bon vous m' direz ché l'début d' saison , mais ché pour toutes les équipes parel mais c' qui est l' plus embetant , ché que chéto mou du g'nou et in sinto pas eune grante conviction

à s'deminder si le stade i est pas construit sur un cim'tiere indien, j' espère que ché qu un passache à vide

d' ailleurs ché souvint comme cha, les équipes reléguées ale zont toudis 2 ou 3 matches , commint qu in pourro dire, pour ardéchinte sur terre , et pi aprés l' machine ale s huile bin et ché souvint l armontée l année suivante

enfin j'l espère, y a eune vingtaine d années y avo vraimint des zéquipes d' seconte division, et j' diro que chéto souvint les équipes reléguées qui armontotent l' année suivante

là té ravisse les équipes, à part Istres et pi Clermont foot, j' cro que ché les seules équipes à pas avoir été par le passé en premiere division

alors in va pas commincher à interrer le RC Lens aujourd hui, mais bon y a cor l' plus gros budget del ligue 2, et y est bon dernier du class'mint

va falloir que cha cange sinon, ché supporters i vont bouder le stade