sur ch' tourn' disque

dans l' temps, pas si ancien, l' télé ale éto pas toudis alleumée, y avo qu in poste al' mason, alors qu asteure i n a souvint un aussi dins l' cuisine , mi personel' mint j' l auro plutot mis au ouatère, mais bon ché pas l'sujet d aujour d hui

y a des fos en fin d' aprés midi, et très souvint l'diminche, m'mère ale dijo à min père , "in acoutero bin quequosse ach' tourne disque"
là min père i li d' mindo c' qu ale voulo acouter et i metto ch' disque

cha chéto quand que chéto un 33 tours ....quand que chéto un 45 tours , min père i allo pas s' léver à chaque coup , vu que j' faire comme li j' va l' répéter à chaque coup " j ai une jambe raide"

alors yavo un systeme assez astucieux, eune espèce d' tube in plastique qu in v'no fixer au mieu du tourne disque sul' pointe qu ale dépasso et aprés in y "empilo" eune dizaine d' 45 tours

et aprés chéto , l' magie d' la technique qui s' metto in route , dés qu un disque i arrivo à la fin, ch' bras i s armetto in plache sur sin socle, ach' momint là ch' disque juste au d' sus i v'no s' mette sul' disque qui veno d' ete acouté, et ch' bras i arfaijo l' chemin inverse pour positionner l' pointe du diamant au début du disque .....

alors in avo dro à du Jacques Brel, du Bécaud ou du montand mi personel'mint j' préféro ch' Guss, et i le mettotent au moins un coup, voir deux rin que pour mi ......

comme comiques, in avo 4 disques

min camarate ch' guss, incontournape, min préféré (plus tard j a comminché à apprécier Ptit Louis d' Peuplingues)

yavo aussi Jacques Bodoin et sa table de multiplication que j avo ker acouter

et aprés y avo 2 zautes disques d' comique que mi j avo moins ker

yavo Raymond Devos avec un sketch j' diro meme inquétant pour un éfant, chéto un automobiliste qui s artrouvo à un rond point, jusque là rin d extraordinaire

sauf que eune fo ingagé dans ch' rond point, y avo pas d' sorties , chéto tous des sens interdit...

à un momint i s arrete pour deminder à un policier qui fait l' circulation mais qui li ordonne d' circuler et d' pas s arréter

chéto du Kafka avant l heure ...

et aprés , et in fait ché l' but d' min sujet, yavo un disque d' Henri Tisot sur la dépigeonnisation ...

Henri Tisot chéto l' imitateur du président d' la république Charles de Gaulle

alors comprenez que mi cha m interpello pas tant qu' cha, d' intinte quéqu un imiter un personnache qui pour mi éto loin d' ete sympathique

pour mi Charles de Gaulle , chéto eune viele personne qui dirigeo la France, avec eune voix presque d' outretombe et j' comprenno pas les subtilités d' ce qui raconto

donc chéto plutot pour mi , un disque que j avo pas ker intinde et j' espèro bin sur que l' suivant cha s'ro ch' guss

pas bete aussi ché parints, d' pas mette in premier l' disque que j' préféro sinan aprés j' passo min temps à l imiter tandis qu' mes parints i zaurotent du maux à acouter l' disque suivant ............

tout cha pour quand meme rinte hommache à Henri Tisot qui nous a quitté ces jours derniers ............

in ap'lo cha aussi un électrophone.
on in eu un avec ché 2 boutons sur l' coté un pour l'allumer et l'éteinte et l'aute pour régler l'son.avec un HP
i avo aussi eune tiche pour impiler les 33 tours mais l' probleme chéto pas stable i penchotent à droite ,à gauche et des fos i quéyottent avant que ch'ti du d' sous soit finit.
quand j' pinse qu'asteur les chaînes fifi ché dépassée.
les jones mettent tout leur morceaux dins eune clé ou leur i-phone.
armarquez cha un avantache cha prind moinse d' plache.
ché pas l'cas avec mi j'ai gardé tous mes vinyls des vrais nids à poussière mais j'i tiens .
ej vient d'acater eune platine MP3 et d'temps in temps ej les réacoute.
nostalgie quand té nous tiens.....

les anciens i z'aplotent cha un crincrin.