min Meccano
par minloute le, 11/08/2011vous dire que cha a été pour mi un grand plaiji d archevoir ma premiere boite d' Meccano (comme tin cousin qu in m 'dijo)...
y a fallu cor que j' fasse un sourire commercial à ma matante et à monmononque qui m avotent offert cha pour mon Noel
chéto ptete l 'juet préféré d' min cousin, in tout cas chéto pas l' mien
et pourtant direz vous tout y éto pour s' printe pour un mécano , avec un seul c ch' coup chi, ou un architeque, à assembler des elemints droits perforés avec des vis et des boulons ........................
et cor quand que j' vous parle d élémints drots , yavo aussi des poulies, des cardans, des peneuxes, comme dijo min père pour s' moquer , in tout cas tout pour susciter des vocations .......
mi j' monto bin tro quate pieches comme cha pour m amuser, et cor , j' m apercevo l' lend'main qui fallo arserrer ché pieches, franch'mint cham' gavo graffe .................
et cor j avo eu la boite Meccano d' base, et bin sur l année d après j a eu l' modèle au d' sus, ché boites ale zétotent numérotées de 0 à 10
pour ché connaisseurs , yavo que la boite numéro 10 qu ale éto in bo , avec des tiroirs, va t in vire, chéto pas m' tasse d' thé
l' pire comme j' vous dijo juste avint, ché qu un malheur arrivant jamais seul, min mononque et mamatante l année aprés i m ont offert eune boite plus espécialisée
avec ché pieches là té pouvo faire plusieurs chosses, d' ailleurs dins l'boite té voyo ché réalisations, in pouvo faire eune carette, eune camionette, un avion ...
mi rin qu a vire " l éclaté" et à essayer d' suive la notice pour réaliser un des modèles cha m' donno l' tournis .........
faut dire que la patience et mi cha fait pas toudis un, ou plutot j' a jamais été fort in traval manuel
alors quand que té pas fort in traval manuel et qu in t offre d' quo "t amuser" avec ché pieces metalliques à assembler, mon diu que malheur ....
surtout que mi et l' rang'mint.... et la maladresse.... j a bin fait querre tro quat' fo l' boite par terre, et là té passo ton timps à devoir tout ringer correctemint sinan té pouvo freumer l' boite ....
à moins bin sur d in laisser trainer sous l' lit ............
après j' su sur qui n a qui ont eu du plaiji d' juer avec cha, à monter des grues , des zélicopteres, j' les respecte ché gins là, i zont eune qualité in plus qu' mi , ché la patience .....................
et pour in arvenir à mon mononque et ma matante, l' trosieme année, j' craigno mais j' craigno que cha so cor un modèle d' boite Méccano
mais in m' donnant min cadeau i zont dit "rassure te ché pas un Meccano" am' mote que m 'mère ale avo du leur dire que j avo pas trop eu ker juer avec ...
savez comme on dit "suit ta voie et perd pas l' nord" , bin savez c' qui m ont offert mon mononque et ma matante ch' t année là ?
eune maquette à monter, marque HELLER , et chéto la reproduction du batiau du 18 ème sieque, un 3 mats ......
alors là j' savo que chéto perdu d avinche, d ailleurs j a collé que les 2 morciaux d' coque et ch' pont et aprés comme j éto pas doué avec la colle j' m a enervé, et y a artourné dins ' boite et j y a jamais pu artouché
un coup ma matante al' m a d'mindé si j avo eu ker monter l' maquette, j avo répondu in dijant que j avo pas fini, mais chéto pas franc comme réponse, j avo du in plus rougir
bref et ouf , ché l'derniere année que j a eu des jux à monter pour min noel, aprés j a eu des lives et là cha m' plaijo bin plus ..........
( 3 photos)