à juer à l 'école

m' mère ale nous dijo qu ale éto étonnée quand qu ale intindo ses files quand qu ale zavotent de 7 ou 8 ans et qu ale juotent "à l'école" ...

pasque à chaque coup, chéto très bruyant, et celle qui juo la maitrese d école, ale crio toudis ...........

pourtant déjà du temps dem mère, née en 1920, ale avo connu quequ' zinstitutrices un peu sévéres, mais là , faut arconnaite que dins ché zinstitutrices d' Loubet , autant qui yavo des maitresses j' diro "patientes" ,autant i n avo quequ' zunes que chéto , escusez me l expression " des vraies pizinques"

ché pas d' mi ché dem' mère, et pourtant savez chéto pas l' ginre à aller faire du scandale , mais faut arconnaite qui minquo à certaines quelques cours de psychologie enfantine

d' ailleurs mi , queques zannées aprés, quand que j éto à l école des filles quand que j a fait mes années d' CP, l' bon diu y avo bin fait les chosses, autant avec Madame Facon , s' n ' aide Madame Froment, pi aprés dins l' aute classe avec Madame Dupin in avo des zinstitutrices j' diro "posées" ...

autant , in n intindo qui faijotent que crier quand qui fallo s' rassembler avant d' rintrer in classe, ou alors et là chéto l' pire, in l intindo crier qu ale éto à l étage, et qu in intindo cha par l' farniete ouverte .......

m' mère ale m avo prévenu, "unetelle ché un dragon", d' ailleurs quand que j' l a raviso , meme si in voyo pas ses écailles , in voyo bin que l' sourire y éto en option.....

ptete aussi qu in s a fait eune idée du manque d' souplesse d' certaines maitresses, mais ch est vrai aussi qui n a eune , ale éto agée, grante , maigue, les caveux blancs, l' nez crochu et pas sympathique du tout

minquo pu qu eune pomme dins' main et ale auro pu faire l' chorchelle dans Blanche Neige ........

Mi aussi ej juos à l'école l'Jeudi aprés midi din l'baraque al'cour, chétot dins les années 58 -60
chétot la mode ed ché jupes serrées à carreaux blancs et noirs equ ché jones filles al mettotent , em maitresse al n'avot einne aussi et cha li faizot faire des pitits mais pitits pas dins l'classe , alors mi din m'baraque pour marcher comme elle et bin ej lios mes gampes avec un cache-nez au dessus d'mes genoux ..