les jeux d' société deuxieme départ
par minloute le, 14/09/2011j' me souviens que gamin, quand qu in éto en vagances, et que bin sur yavo pas la télé, mes parints i sortotent les boites d' jeux d' société
nous in juo au diamino, chéto "l ancetre" du scrabble, chéto comme le scrabble, mais té metto des mots directemint sul' tape et nan sur eune grille du que ché mots i pouvotent compter doupe ou tripe ,l' seul coup qui t' rapporto 50 points in plus, chéto si t arrivo à placer toutes tes lettes d un coup
in juo aussi, et chéto plus pour mi, au jeu du Mille Bornes , cha in y a été grinmint à y juer ...
allez j' cache un feu vert pour démarrer, tiens j' te mets un feu rouche pour t empecher d avincher, à ti j' te mets un asquident , mais là té crio "coup fourré" pasque dins tes cartes t avo l' carte "réparations" que cha t'rapporto grinmint d' points si in t ' metto eune carte asquident
l' carte la plus recherchée chéto véhicule prioritaire, là in pouvo essayer de t' mette eune crevaison, un asquident, un feu rouche ti té tin foutto, avec l' véhicule prioritaire, chéto d ailleurs un camion d' pompiers rouche si j' me souviens bien, in pouvo pu t attaquer et t' faire des miséres
j viens d' vire que l ' Ipad et l' Iphone ont maintenant une application "mille bornes" proposée cha coute dans les 5 euros maxi
cha va permette d ardonner un coup d' jeune à des jeux qu in a tous eu ker quand qu in éto tchiot
j' dis cha mais j a pas d Ipad ou d' autes machin chosse comme cha .....
mi j' su pas comme ché jones (et moins jones hein Frette..) qui sont toudis in train d' raviser leu écran, à tapoter d' sur , et d' rigoler tout seu quand qui zarçoivent des émiles d' leu internet .....
j' vo cha du que j' travale, à la pausse, i sortent ché cigarettes et i passent des sms à tour d' bras