au bout des manches

"l' quémiche du diminche" chéto pas l' meme quémiche d' celles del semaine .... in fait l' belle quémiche ché celle qu in metto dans les grantes occasions

baptemes,communions, bals , sorties, fiancailles , mariaches et ........pour conclure l' cycle d' la vie, les zinter'mints ...

au d' là d' la qualité, chéto au bout des manches que s' faijo la différence ....

pour ché grantes occasions, in sorto donc "LA quémiche du diminche" , ou plutot ch' l homme i d'mindo as' femme d'aller l' querre, vu que d' puis l' dernier coup qu ale avo servie, chal' femme ale l ' avo bin ringé dans un coin del pend'rie, pour éviter del' froisser ou d' l abimer

eune fo l' quémiche sul' dos, in passo ch' test, pour vire si in éto toudis aussi à l aise d' dins, faut dire qu avec l age, cha d' veno souvint plus "critique" ...

eune fos qu in avo vérifié qu in pouvo cor l' freumer facil'mint , et vérifié à la fo l' net'té du col et coupé ché fils qui pourrotent dépasser , in raviso l' longueur d' ché manches

ouais fallo pas quand meme qu in tindant les bras, l'manche ale arriffe au niveau du coude ...


là , ch' l homme i d' mindo l' fameusse boite ........... l' boite des boutons d' manchette

l' femme al' l apporto comme si chéto presque un trésor ..

i n avo des belles, mi j in a eu quand que j éto tchiot, chéto un rectangue in nacre intouré d un métal doré ....

min père i en avo eune paire que chéto des bidets d' tiercé , et eune aute avec un motif géométrique in forme d étoile

chéto d' ailleurs un cadeau qu in pouvo offrir à la Noel ou à un niversaire

cha v'no completer la tenue du diminche , sans oublier l' cravatte AVEC s' pince , sans oublier ch' briquet rectangulaire de marque Silver Match ou Feudor et l'étui metallique à cigarettes , minquo qu un bio costume, eune paire d' souliers bin cirés ou vernis .............

et bin sur un coup d'"raquion" dins les caveux, et t éto fin pret pour sortir.............

ouais vingt diouss cha m'rappelle ed' sacrés souvenirs chés boutons d'manchetes , cha faijot partie d'ech'costume , avec ech'gilet , cravate et godasses , et pi yavot aussi l'gabardine et j'cache col , qu'in mettot " pas pour el frod mais pour qu'cha fache plus bieau
et ch'lundi matin chétot l'mère qui ringeot tout cha , jusqu'au diminche suivant , sans oublier ch'te corvée ed' godasses , d'ailleurs el'lundi matin avant ch'l'odeur d'ech'café , chétot chelle d'ech'chirache qu'in sintot ed' sin lit