un sam'di soir d'hiver dins ch' coron

on arrife fin novempe début décempe Noël approche à grands pas.

i est presque 6 heures du soir, i fait noir, i a pus personne dins ch'coron à par un quien ou un cat errant ou eune vieille personne courbée toute noir vétue avec sin fichu qui arvient ed chez eune d' ses voisines sans doute veuve comme elle dins l' brouillard qui armonte pressée d'rintrer à s'mason.

parce qu'ale a fait trop aller s' lanque et qui n'a pas vu l'temps passer. ché lampadaires sont allumés des fos quand i pleuvine in vot ché goutelettes danser sous ché ampoules.

ché portes à battant sont fermées, ché doubles rideaux sont mis, les infants sont à tape intrin d'faire leurs devoirs et aprrinte leurs leçons, l'plaque d'cuisinière ale est toute rouche avec l'l'io qui cauffe in intindant d'el mette dins l'caudron ou dins l'baignoire pour l'heure du bain.

les garnoules prennent l'l'eur in premier et vont dins l'pièche d'à côté quand ché l'tour d'leurs frères et d' leurs parints

i est l'heure d' souper l'tape ale est mise.

des tartines avec du fromache des fos accompagné avec eune pétote au four ou autre. sitôt fini, sitôt débarassé. tout l' monte s'installe ché l'heure d'el télé.
les infos avec Pierre Sabbagh et Pierre Tchiernia insuite 36 candelles avec Jean Nohain ou pus tard la piste aux étoiles avec Roger Lanzac in monsieur loyal.

ché fini i est l'heure d'aller s' couquer, un cop tijon dins ch'fu et tout l'tribu monte dins s'champe tout in laissant l'porte ouverte (sauf pour papa et maman intimité oblige) pour qu'el caleur ale monte tout in s' mettant ben au font du lit avec sin nounours ou s'poupée in d'sous d'l'édredon et in espérant avant d' s'indormir d'vire des fleurs d'givre l'lend'main sur les fenête in s'lévant.

cha i est on est diminche les premières lueurs du jour perchent à travers ché doubles rideaux.
mais cha ché t'eune autre histoire....

à part el télévision qu'in n'avot pas chétot tout à fait comme cha, ch'bain l'Samedi soir , minger einne tartine ed paté avec des cornichons aprés, perdre ses chaussons in barloquant ses pieds sous l'tapp Cha cha arrivo ach tiot minloute aussi...

et pis grimper ché escaliers à quatriéme vitesse (pas monter such lit pour allumer el lumiére sinon manman al nous ingueulot mi et min frére) j'ai toudis pas core compris pourquoi et là din min lit , j'avos min baigneur Nicolas qui m'attindot ....