un matin de Noël 1956

ej sus déjà réveillée , ej sus bien au caud din min lit sous ch'l'édredon rouche, ech matin ché Noel, je l'sais hein , ej l'ai intindu ach'poste hier*

am'maison y'a rien qui l' frot pinser , pas d'sapin , cha pourrot printt fu avec ché bougies qu'al dizot manman , pas d'creche surtout pas ed toute façon min père i dijeot toudis qui s'rapplot jamais d 'ché anniversaires d' ché gins d'el famille , alors ech ti d'Jésus ...

bon ej sus din min lit , min frére i dort core ou quoi?? ej liéve em tiete pour vir sin lit , ej vos rien y'é sous n'édredon li aussi, y'a einne odeur ed banania qui monte par chè escaliers, ej voudros bien deschinte mais si je l'fais ej vas core m'arfaire ingueuler alors ej sus là avec mes grands yux bleux à fixer ech lustre qu'ia 2 glopps bleu ciel et un ross , surmint qui n'a un qui a du s'casser et in a pas pu artrouver el meme couleur..

l'odeur ed banania miam miam , ej peux pas m'lever , ej vas m'faire ingueuler .. ------Joel Myriam le pére Noel est passé---- crie manman in bas d'ech l'escalier.
Bin nan qui dormot pus min frère , i m'a presque fait ker dinch' siau hygiénique pour ett' el premier à descintt'..

in bas y'a einne grantt' boite in carton avec un liff' ed cendrillon posée pas d'zeur et pis à coté un tank qui crache du fu et un liff' ed Tarzan pour min frère
din l'boite in carton y'a einne grantt' poupée avec des yeux dormeurs , je l'prinds din mes bras "qu'elle est belle" elle dit Maman qu'al dit emm manman , ej reste un momint sins rien dire , bin commint qu'al fait al savoir si ché l'pére Noel qui me l'a ramnée...

j'avos 6 ans mes gins.... ej vis pus in France asteur quant in dit la fugue des cerveaux à l'étranger ej dos y'ett pour quittcoss..

bin j'ai cor bin rigolé avec ch'te noël 1956 , et cha m'fait arpinser à mes noëls à mi et à m'famil , chés seuls cadeaux qu'in avot chétot un oranche et in coquil à l'école , "ches seuls ed' l'année"

pi s'que min père y faijot avec es' n'hache , un avion , in poupée , taillée din des raccourches , mais cha chétot d'ja apres 1948 , et pi j'sais pu si ché avant 1948 , in archevot des colis d'amérique , ed' nous marraine ed' guerre , et la yavot des mervels , in chinture avec des pistolets des ropes pour chés files , des godasses , et tout cha tout neuf
ché d'ailleurs din chés colis qu'in a vu et gouté , d'el poute pour faire du chirop , fraisse , chitron etc
in fos j'ai même archu un colis rin qu'pour mi , yétot grand , j'el vos cor , en'din DECEPTION , cha n'étot ecqu'des godasses ed'femmes à talons hauts , mais comme cha s'mettot pas ach't'époque , j'supposse qu'em'mère al a tout donné