l'clef d'porte ..
par chtitalienne le, 21/09/2011Mi, j'ai pris comme souvnir el dernière fos qu'j'ai été am baraque à Marles l'clef del porte . Vous vous rappler ed ché clefs la??
Té pindos du coté du qu'té l'avos din t'poque.
el nott al avot été réparée par ech vosin Joseph (y'avot einne gampp in bos (Joseph) avec un bouchon in caoutchouc au bout), einne fos j'ai d'mindé am mére si y'étot né comme cha" mais cha ché einne autt histoire comme in dit ichi
pour arvénir al clef , il l'avot arringée avec un bout d'zinc du que l'anneau y'étot cassé et asteur al trone din m'cuisine, ej vas vire ed mette el photo si ej'y'arriffe
hier soir , ej rigolos tout seu in pinsant à Joseph..
chétot l'printemps et l'maitresse al avot d'mindé qu'in raméne des bourgeons à l'école et comme dinch'gardin inn'avot poin , min pére i m'avot dit "Va vire sull gampp à Joseph..."
bin mi l'gampe ed' bos el souvenir qu'al m'rappelle , chétot qu'and j'faijot des cauchemards , al avot apparténu à in onc à m'mère j'cros , et al étot accrochée d'su in batinsse d'in ch'grenier , et comme min frère et mi in y dormot
" l'barraque trop tiote " quand j'avos un cauchemard , j'm'artrouvos toudis à m'cogner m'tiête d'su chés batinsses , et ch'te gampe ed' bos pindu , ché m'mère qui v'not em'dépétrer , quand am m'intindot crier , j'ai été long à m'el'sortir d'em'tiête , ch'te maudite gampe ed' bos , et heureusemint elle non pu al a jamais bourgeonnée