la grante épreuffe d' la dictée 7
par minloute le, 11/10/2011l' lend'main matin en rintrant in classe , in aperçoit (avec un seul p) la pile d' nos cahiers , bin ringée, au coin du bureau dech' maite
cha y est , in sait qu in va avoir dro au verdique, et al' correction
comme d habitute, in comminche par l' leçon d' morale, pi ch'maite i artourne à sin bureau et là i nous fait un réseumé du résultat d ensempe d' la classe à chte dictée
bin sur, ech maite i cite pas d'noms, mais i nous dit qui éto pas contint , que certains i zavo vite oublié des l'çons apprisses les semaines précédentes, sans parler des fautes d' inattentions , des cahiers mal tenus , des pages écornées, et des patés laissés par ché portepleumes mal utilisés
bon allez , i prenno l' ch' tas, y a des coups i dijo, "meilleu eleffe à chte dictée" et i cito l' nom de chti qui à chaque coup et cor ichi avo toudis la plus mauvaisse note
c' qui provoquo les rires d' hyenne d' l ensempe d' la classe such' pauv' garchon , croyez pas que j' éto pas dans l'lot pour ricaner, savez quand qu in est tchiot, in est pas tendre avec ses camarates .....
i dijo tout d' suite aprés qui s éto trompé et que ch' coup chi i allo commincher del plus mauvaisse dictée al' meilleure ...
là, pour nouzautes chéto pas l' meme type d attente, là in souhaito pas et' cité dins ché premiers noms, chéto toudis la surprisse et l 'deception d' ete cité avant au moins qu' la moyenne ale soit passée
tandis que quand que ch' maite i distribuo ché cahiers dans l' bon sens, du meilleu au moins bon, ché sur, qu aprés qui a cité ché 2 ou 3 bons zéleffes qui faijotent toudis la course en tete, in éto impatient d'intinde sin nom citer ....
quand qui rindo ché cahiers, i donno toudis l' note sur 10 et eune appréciation, plus ou plus détaillée, du ginre " attention aux fautes d' inattentions, ché là qu' t as perdu des points"
ou alors "j' m a d'mindé si té m avo rindu tin cahier d' brouillon à l' plache d' tin cahier d' devoirs, tel'mint ché mal tenu"
ou alors chéto bin plus court " passable" , "comme d habitute" , et cha s' termino par des phrasses couperet pour ché moins bon par
"apprint tes l'çons", "catastrophique", "dans ta moyenne", et cha s' termino par "quo qu in va faire d' ti" .....
chacun i attindo avec impatience que ch' maite i permette d ouvrer ché cahiers pour qu in corrige l' dictée, non pas pour l' correction par elle meme, mais pour aller vire rapid'mint " l étendue des dégats" , et les annotations que ch' maite i avo mis in haut, dans la marge
cha y est in pouvo ouvrer nos cahiers, in éto contint si in avo eune bonne note, à raviser l' tiete d' travers d' sin vigin qui li avo moins bien réussi
et là in devo printe sin stylo bic vert , stylo bic transparent, chéto l' seule marque qu in éto autorisé à avoir, j' me souviens un coup j avo ramené des stylos de marque Reynolds, bin ch' maite i n a pas voulu et j a eu des lines à faire al' mason ............
in prenno donc sin stylo bic vert pour commincher ché corrections
là, ch' maite i s' dirigeo vers un tableau su pied qui éto sul' coté del classe
là i inlevo eune tchiot cliqué, et comme par magie, i faijo tourner le dit tableau su sin axe , et in voyo apparaite l' envers du tableau du qui yavo réécrit toute l'dictée mais corrigée