la grante épreuffe d' la dictée 8

croyez pas que l' correction del dictée , cha s' faijo l' dogts dins l' nez
nan , ch' maite j' sais pas commint qui faijo mais i savo ché mots du qu au moins quéqu un i s éto trompé
et queq' fos si chéto vraimint eune grosse bétisse, i s' faijo un plaiji d' faire répéter à ch' pauv' garchon commint qui avo écrit tel mot
tout cha pour que l' reste d' la classe, in sorte nos rires d' hyène .....
mais chéto à doupe tranchant, té pouvo vite passer d' la hyène, al' plache de chti qu on s' raillo

ch' maite i dijo d un coup , "ti , untel, j' l a ramen'ro pas trop, té va bientot dire à tout l' monte commint t écrit l' mot qui vient"

arroseur arrosé , qu in pourro dire ........

pour faire eune bonne correction fallo d abord bin acouter c' qui dijo ch' maite ,pasque cha li arrivo d' faire répéter c' qui veno d' dire

bin sur i avo arpéré un éléffe qui avo les ortiaux ichi, mais l' tiete du coté d' mars .........

aprés fallo aussi faire attintion quand qu in corrigeo, quand qu in metto l' bon orthographe , ou l' bonne conjugaison ou l' bon accord, fallo SURTOUT PAS mal arcopié un mot au stylo vert

mon diu malheureux , si ch' maite i quéyo là d'sur, té pouvo et' sur que t avo drot à des lines in plus

mi j' avo souvint "des fautes d inatintions" ou " do miu tenir sin cahier"

cha chéto min lot, j allo pas dire quotidien, mais le "do miu tenir sin cahier" donno droit directemint à des lines à arcopier ,du ginre, "j'do et' plus soigneux avec mes zaffaires" ......

ch' maite i continuo ses explications, in rappelant cor un coup, inlassablemint , les règles d' grammaire, les zaccords , l accord qui s' fait sul' masculin , j in passe et des meilleures .....

parait qu asteure i font pu d' dictées d'puis un momint à l école, ché sur que chéto jamais d' gaité d' coeur qu in les subisso, mais quand que j' vo su ché forums sur internet commint ché jones i zécriffent asteure, mon diu......................

j' parle meme pas d' ceux qui écriffent comme si i faijotent un sms, mais in vo des fautes criantes, d' quo faire attraper eune syncope à ché viux zinstituteux

pour terminer, j' voudro dire que "ch' maite" décrit dins ché sujets su les dictées, chéto un mélanche d' mes zinstituteux d' Loubet

j ' do dire pour terminer que la description de ch' maite raleur, intransigeant, consciencieux dins sin traval, chéto Monsieur Robitaillé qui nous a quitté y a eune semaine

par conte, chéto pas sin genre, d' es' moquer d un éleffe d'vant les zautes, avec Mr Robitaillé, in rio pas bet'mint dans ses cours, pasque li i avo vraimint ker ses éleffes , et meme si y éto sévére, si i buquo avec s' règue sul' coin dech bureau, chéto quéqu un avec un grand coeur et qui respecto ses eleffes, car i avo ker sin traval et i avo ker ses eleffes