Bruay, el rue d'Bellevue

el rue d'bellevue em-grand mère maternelle el y resto à l'3è maison in vénant du cimetière. Ché din l'maison là qu'elle est morte quand j'avo 8 ans mais j'm'in rapelle comme si chéto hier.

El rue al avo plutôt l'allure d'un boulevard tellement elle étot longue pour arriver jusque el rue d'mars. Ché certainement pour cha qu'on a du l'appeler "de Bellevue". Ché vrai qu'in ravisant d'in l'direction del rue d'mars el rue de bellevue al avo fière allure. Mais quand on s'artourno chétot aut'cosse avec ech'cimetière en face.

A m n'avis, ceux qui l'ont baptisée y devotent faire partie del même équipe que ceux qui avotent fait ech pont d'ché imbéciles. Surtout, qu'on a infoncé ech clou en appelant el rue à droite el rue de l'observatoire.
J'in garde une tristese parce que j'vo cor el rue en impasse qui arrivo juste in bas dech'terril du 3, avec ché gins des 2 dernières maisons qui avotent ed temps en temps des gaillettes qui dégaroulotent din leur gardin.

Mais ché vrai que ch'éto un observatoire ; ech'téléphérique qui faisot la navette presque sans arrêt avec ché berlines pleines ed carbon et de terre y passo pratiquement au dessus dé maisons del rue de l'observatoire.
J'les raviso del maison de m'grand-mère ou bien j'allos juste en d'ssous parce que j'étos fier: figurez vous que l'un des mécaniciens aux manoeuvres chéto min mon oncque, el frère de m'mère.

Ché vrai que cha laisse une rude amertume, parce que ch'connaisso mes Dubois, qui occupotent l'une des dernières maisons sur la gauche à quelques mètres del rue de mars. Y z y ont resté plus de 40 ans, et i n'avote pas invie de quitter "leur rue".
a un momint, i n'resto pus que 3 maisons occupées, dont l'leur, et tout l'rue al avo été abattue. On aro cru un village fantôme comme din ché films ed cow boys. finalement, à contre coeur, avant d'être expulsés, les Dubois sont partis habiter rue d'Oran, juste in face des parints du camarate Fernand à nounours
mais j'ai cru deviner qui ne se sont jamais plu din leur nouvelle maison....

C'qui est cor plus triste, ché que din l'rue juste derrière el rue d'bellevue, celle qui mène à l' cité 30, ché maison d'employés ont aussi été abattues.
Miou Miou al étot venue tourner un film juste in face. Mais surtout, souvenir souvenir, in début de carrière el Docteur Augenstreich y avo resté din une de ché maisons là

Une anecdote, parce que j'pense qu'i n' pas beaucoup qu'ils savent. Quand j'éto pétit, j'avos été vir min docteur Augenstreich, din s'maison : les médecins des mines étaient autorisés à consulter, chez eux, en faisant payer ché ayant-droits!!!! Cha marcho bien parce que ché gins y pinsotent ette mieux soignés en payant!!!
Je n'sais pas en quelle année, ché médecins des mines y n'ont pu eu l'dro de consulter en dehors de leurs dispensaires

quand l'fosse 3 à l'a fermée et que les gins à part ché pinsionés sont partis s'exiler, le houillères ont loué ché masons à des jones mariés .
chéto pas des grantes masons deux pièches, eune véranda, eune baraque à carbon et ché cabinets dins l'cour.

chéto l'idéal pour eusse qui démarotent dins la vie parce que les loyers n'étotent pas quere.
certains couples n'avotent pas d'télé à part un transistor.

qu'esse qui reste d'el rue rien à par eune déchéterie, eune usine, eune mason qui a été batie pour j'en sais pas qui et trois lampadaires qui n'éclairent pus d'pis fort longtemps et pour personne.

triste fin pour eune rue qui auro pus rester aussi gaie. eune rue que j'avo si quer.
si vous ravisez bien comme ej l'ai fait vous pourrez toudis arteuver un morceau d' trottoir avec un reste d' rucheau.