tchiot plaiji
par minloute le, 19/10/2011faites cuire des pétotes au four, avint zavez fait rouler les pétotes dins du gros sel
d un aut' coté, la veile , zavez fait cuire du lard fumé ....
voyez djà d ichi l' réunion qui va s'faire d' vant nos ziux ébahis ....
au soir, i fait djà nuit, in intind l' drache qu ale vient s' plaquer in bourrasques su ché vites
m' mère ale a fait arpartir l'soupière in cuisine, in a djà plus caud que t' taleure ...
l' mason ale sinto djà bon ché pétotes qui cuisotent j intinds m' mère qu ale ouffe l' porte dech' four, ale artire d' là ch' plat d' pétotes bien cautes, j espère qu ale va pas l' faire querre au sol
nan , ale a pris ché grantes serviettes pour pas s' bruler au passache
d' sin coté , min père i découpe d' eune façon magistrale des tranches dins ch' lard feumé
sul' tape y a eune boutelle d 1 lite d' biere Bock, sans oublier ch' bocal à cornichons, savez ché grands cornichons polonais qu in a coupé in quate et mis in conserffe .......
sans oublier l' aute bocal, chti avec ché gros oignons qui trempent d' puis un bon momint dins l' vinaique aussi ...
sul' tape aussi , y a ch' pot d' moutarte , moutarte forte de Dijon , ché écrit su l étiquette
d' vant mi y a ch' beurrier , avec qu' dins ch' beurre mi sel acaté à Abel ch' cinsier
cha y est , ch' plat d' pétotes y est sul' tape, m' mère ale fait l' service
min père " print tin temps, mache" pi "t inquiete i va t in rester" , mi des pom'tieres cuites au four, ché min régal
j' découpe l'pétote in deux, j'mets du burre d' dins, pi j arsale un bon coup ....
j' minche tout, aussi bin l' pomm' tierre mais aussi l' piau, mi j a ker l' piau tout autant
cha y est , cha comminche, "donne me t' n assiette, j' te mets ch' lard" pi "minche d abord cha, tin aura cor apres" , pi " p'pa donne me les cornichons si te plait", pi " les oignons m'man si te plait" ....
allez un coup d' biere par dessus cha, i f'ro pas bon et' cor dehors asteure, cha pleut cor bin su ché vites ...
et nous in est au caud, bin à l intérieur, mi avec min père et m' mère ......................
Ché trop dur à lire cha...i prind un malin plaisir à nous faire argretter l'timps passé ech'jone d'ours la!!!