cherche quataris
par minloute le, 22/10/2011un quataris ché pas c'qu in peut attraper à sin dogt et qui fait du maux, cha ch est un panaris ...
ouais un tchiot peu d humour , cha fait pas d maux, pasque j' ravisse toudis du coin d' l'eule, les résultats du RC Lens
relégué en deuxieme division, escusez me en "ligue 2", le RC Lens y a du maux à s' tripatouiller del' situation
yavo des sines précurseurs dès ché premiers matchs, mais là ...
s' artouver al' 15 ème plache du class'mint à 9 points du trio d' tete, cha sint pas bon
faut dire qu in est in bonne compagnie, al'16ème plache in trouffe Boulone
y a que Monaco qui fait cor plus fort et qui en accompagnant le RC Lens dins l' division inférieure, s artrouve "bon dernier"
drole d expression cha " bon dernier" , si t es dernier, té rar'mint bon ......
inn ' a qui vont cor crier au loup, "ouais ché jueux sont bin trop payés" "i moultent te pu ch' maillot" etc etc etc
j a longtimps défendu Gervais Martel, et j a toudis autant d estime pour l' personnache, pasqu y a sacrifié pas mal d' chosses et qui s a impliqué dans l' clupe depuis un sacré nombe d années .......... mais là faudro qui passe la main
y a des momints, à s' acharner, à s' épuiser, à pas vouloir vire la vérité, en faisant pas toudis les bons choix, et j' diro plutot in faijant tous les mauvais choix depuis chinq ans, faudro qui passe la main
zallez dire ché bien bio mais cha cang'ra quoi
pour mi et cha s' sint, Gervais Martel i peut toudis pousser des gueulantes su ché jueurs quand cha va pas, in sait qu au fond d' li meme, ché "un gentil" et qui a pris souvint des décisions "coup d' coeur"
franch'mint et y a pas d ironie, j' s'ro un émir du quatar, ou j s' ro à la tete d un group'mint financier quatari, ouais quatari ché l' nom des habitants du quatar
bref , mi à leu plache, j investiro dans le RC Lens
acoutez , y va y avoir normal'mint pour l euro 2016 eune refonte du stade Bollaert
d un aut' coté, y a ch' public qui est là pret à arvenir vibrer dins ché tribunes ..
vous m' direz ouais mais y a moins d interets autour d' venir s installer à Lens que d arprinte Marselle ou l' PSG , ché sur, mais meme , in mettant des moyens financiers d un niveau inférieur à c' qui est mis dins l' PSG, cha permettro au RC LENS, d'abord d armonter en ligue 1 et d' venir juer ché trouble fete dans l' class'mint
d'toute façon si in veut des résultats au niveau européen in football, faut pas tchier loin, faut utiliser l arcette italienne, espagnole , portugaisse ou anglaisse
ch est à dire accepter que 4 ou chinq clupes qui dominent leu championnat national , et qui ont l' carrure et les moyens pour juer la champion league
zavez vu j a dis " juer la champion league" , pas faire comme nous, partir dins l esprit du baron francais, pierre de coubertin , c est à dire d' participer, d'ete contint d' passer un tour, et d'accepter d' juer les seconds coutiaux tout in sachant qu in l' gagnera jamais ch' te coupe .....
ou alors in va rester à not' niveau, in va devenir un pays d ' seconte zone in football, pour mi l exemple l' plus visipe ché la belgique
y a cor 30 ans ,in avo pas trop ker aller s' frotter conte Anderlecht, asteure cha nous fait pu peur , i sont cor moins bien qu' nouzautes ......
pour in arvenir au RC Lens, am' mote qui faudro du sang neuf à la direction, supprimer ché zhabitutes, ch' t esprit "mou mou", d'minder des résultats, nan , exiger des résultats
mais cha passe hélas par un recrut'mint d eune aut' volée, et avec un aut' état d'esprit
sans quo , autant ché djà cuit pour ch' t année en seconte division, in risque de devenir comme Metz, Le Havre, Guingamp, Nantes, qui comme Lens étotent des équipes j' allo dire incontournapes, au moins des vieux abonnés al' premiere division et qui depuis plusieurs années, végétent en ligue 2 et n arrifent te pu à raccrocher ch' wagon d' la ligue 1
un tiot mot seulemint , avec tin discours si j'comprinds bin y faut des sous pour qu'chés jueux y mouiltent le quémiches
et qu'et'pu toudis , chés intraineux qui sont mauvais , ch'terrain trop tiot , et ch'patron trop mou , mais chés jueux y sont pour rin din tout cha , pi j'min fout , j'su pas footeux mais cha m'énerf