as' deminder sil' faijotent pas exprès...
par minloute le, 01/11/2011allez bo d un coup , allez d un coup , sans t arreter ......
facile à dire , et pas si facile à faire, pasqu in s' douto qu'le gout i sero pas terripe
mi j a l' souv'nir dins m' n infance que tous ché médicamints pour nous ché tchiots i zétotent pas bon à printe
al' reflexion, j' su persuadé que chéto fait exprès
tout cha pour que parints i puissent dire "té vo ché ptete pas bon à boire mais ché bon pour t'santé"
à croire que plus chéto mauvais , plus chéto bon pour la santé
j' va pas arvénir su les affres d' l huile de foie de morue, mi rin qu à dire cha, j' vo cor ch' buffet blanc qui faijo l' coin dins l' cuisine et qu au dernier niveau tout in haut, yavo l' fameusse boutele .... j in ai cor des frissons
in voyo bin nos mamans nous préparer ché médicamints, mais que ce soit in poudre , in granulés ou en ampoules, chéto rar'mint bin bon à avaler
allez allez bo cha d un coup sans t arreter ............ facile à dire, in buvo cha du bout des leves et in arposo ch' verre vite fait ...
mais comme l' mère ale avo rajouté un tchiot peu d' chuque pour faire passer ch' gout, pratiqu'mint tout ch' médicamint i resto au fond du verre ...
donc in avo dro à l' arboire un second coup, là l' mère ale artouillo cha dans un tchiot peu d io, i fallo alors avaler d un trait, et freumer ché ziux en mem' temps
après un avo un sacré mauvais gout dins l' bouque ou su la langue
chéto l' meme punition d ailleurs avec ché zampoules
m' mère ale ouvro douch'mint l' boite, du que ché zampoules ale zétotent rangées , alignées , un peu comme des cartouches d' chasseur, dans un condition'mint en carton blanc
là fallo l' printe délicat'mint, ale cacho alors après l' mini scie qui yavo aussi dins l' boite
l' momint l' plus délicat, chéto quand qu ale scio d' abord ch' premier bout d' l ampoule, fallo scier ch' tchiot bout en verre sans qui qué dinch' verre ou qui a des mini morciaux qui i quétent aussi ...
après chéto un peu comme del magie, meme in ayant coupé un bout d' l' ampoule ch' liquite i resto à l intérieur
et là d un mouv'mint sec des dogts, ale casso l' aute extremité d' l ampoule et là, moment magique, d un coup , tout ch' liquite i déverso dinch' verre
moment magique j' dijo, mais cha duro pas longtimps pasqui fallo vite arvenir à la réalité, "tiens bo cha d un coup" ...
après y a eu , au fil des années , des améliorations, in a comminché à donner d' la saveur à ché médicamints pour infants
j' dis "in a comminché", pasque j' me souviens d'cachets qui étotent soit disant "gout citron"
bin , ptete mais alors chéto du citron vert, in avo l impression d' croquer dins ché grosses pastilles qu in metto dins ché chiottes ...
asteure j' sais pas si zavez eu l occasion d' vire et meme d' gouter quo qui donnent à vos zinfants ou ptits zinfants ...
mon diu mes gins, in s'ro presque contint d' ete malate .....asteure ché médicamints cha a l' gout d' bonbons..... soit ché framboisse, fraise, ou banane comme gout
ché médicamints ché pu pour eux source d appréhension, bin sur y a toudis l' rituel, savez ché zinfants cha a ker d et' chouchouté, alors meme si ché bon à boire i font la grimace .......
in va pas les canger ....
bin ouais cha dot ête cha , pu d'leumière , j'vos pu min clavier et j'vos même pu ech'sujet , ché d'el faute a fred , y pédale pas assez vite
avec tes médicamints minloute té ma fait rappeller el'tiote scie qu'yavot avec chés ampoules , et du coup j'ai arpinsé a min père , in fos in cassant in ampoule
ya un tiot morcieau qu'yé rintré d'un un d'ses dogts , pas d'sous s'n'onques ya choppé un panari , et in paire ed' jour apres yé rintré a l'hosto
yétot in rache passe qu'il l'avottent badigeonné ed' rouche , et qui l'avottent fait mette a poil , ya in quarantaine d'année d'cha , mais ya bin souffert ed' cha