Les jardinsla halte ed trains du pont d'Méricourt
par LA CLO le, 07/11/2011In cachant bien j'viens d'arvire la halte d'trains d'Méricourt. Y a maintenant un abri pour attinde. J'ai l'souvenir de ch't'indrot quanqu'in allot chez mes grands parints à Lille.
In devot partir ed bonne heure faire l'route à pied par n'importe que temps, sans oublier nos bagages à porter.
Je m'souviens d'un grand escalier pour arriver juste à côté de l'voie sncf.
Là à l'époque pas d'abri in attindot l'train dins l'frod in étot à tout vent.
Pis quanque el train y s'arrêtot pour ouvrir l'porte du wagon i fallot eune forche d'homme, et pis escalader l'marche-pieds pour rintrer dins ch'wagon.
Arrivés à Lille in prenot l'tramway. L'journée passée chez mes grands parents trajet retour, même ju.
Chaque Jour ed l'an in faisot l'trajet je m'souviens d'l'année du qu'j'avos été au bal l'31 décembe donc inne nuit bien courte et l'lendemain matin allez, marche à pied dins l'frod et pas question de m'plainde min père disot toudis quanqu'in sait s'amuser in sait avancher.
Ch'étot vraimint eun sacrée espédition.
salut la clo , bin ché cor à peu pres parel , a part ech' l'abri p'tête
à z'escaliers ya toudis pas d'ascenseur , et un bas d'in coté comme ed' l'aute d'ech'pont , cha a bin cangé , cha a bati
ech'bistrot du qui vindottent chés tickets yé fermé ed' pu longtemps
