ch' toubaque Caporal
par minloute le, 07/11/2011savez pourquo mes gins ch' toubaque i s appelo "Caporal" ?
bin cha va vous rappeler des viux souv'nirs à certains......
cha vient bin sur d' l armée, ch' toubaque Caporal, chéto un toubaque qui éto réservé à ché gradés et l' plus tchiot grade dans l armée , qui pouvo donc en bénéficier, chéto caporal ...
donc ch' toubaque là i éto meilleux que ché fameusses "troupes" .....
ah ché plus jones zavez pas connu cha , les "troupes" ....
in archevo cha chaque mo, l' jour d' la solde
si si mes gins in archevo d' l' argent par l armée meme quand qu in éto pas engagé et qu in faijo sin service militaire normal .....
chéto pas des grosses sommes j a l' souv'nir en 82, 1982 j' précisse pour ché mauvaisses lanques qui aurotent pu croire que chéto en 1882..... faudro quand meme pas pousser mémère dins les zorties .........
donc in archevo not' solde , cha s'passo comme cha, in éto dinch' couloir, par section, ché nouzautes dans l' train, yavo les garages A,les garages B, les ateliers pi les bureaux
mi bin sur j éto dans les bureaux vu que j a veillé su la france avec m' n arme d' combat : la machine à écrire ...
mais bref in arvient à la solde, donc in rintro chacun sin tour , in ouvro et in fermo l' porte à chaque coup, pour donner l' paye, et pi ché paquets d' troupes
j' sais pu si in les payo (si chéto l' cas cha devo et' eune misère) ou alors si chéto pas donné systématiqu'mint à tertousses
in archevo 2 cartouches d'troupes ..... chéto à la base, des gauloises .........
j a dit "à la base" , pasque ché sur que ch'toubaque i éto pas fameux fameux, mais bon cha permetto d' avoir eune partie des cigarettes du mo d' payé, et savez à l armée, si y a bin in endrot du que ché jones qui fumotent te pas, comminchotent à finquer chéto bin là ...
ch' paquet i éto d' la meme couleur qu in paquet d' gauloisses normales , par conte, chéto marqué en grand que chéto des "troupes" , aussi bin sul dessus du paquet mais aussi su ché cotés
j' me souviens aussi que l' embleme meme du paquet d' gauloisses, un casque d' gaulois avec des ailes, i avo été modifié, et chéto un casque d' guerre 14 18 avec des ailes qui y avo su ché paquets
tout cha pour éviter qui a trop d' traffics , et que certains i zarvintent au prix des forts, des cigarettes que ch'toubaque chéto pour mi, un mélanche d' foin et d' toubaque ....
tout yé vrai din s'que té dis minloute
pour chés cigarettes "troupes" chétot in cartouche par mos , si mes souvenirs sont bons, un plus in avot in paire ed' timpes , un bon pour invoyer un colis gratuit (eh ouais), un ou deux savons, et pi l'solde
à l'époque chétot din les 3 roros ach'teur
et apres 24 mos d'service, comme sergent, j'avos l'drot à 60.000 A F, in roros cha fait combien tout cha ?
pour chés cigarettes té ma appris qu'ête cosse, ach"sujet d'ech'casque , pour différencier chés troupes ed' chés gauloisses et éviter ch'trafique
pour arvénir a ch'te saloperie "d'troupe" em m'mère al m'inveyot du bleu , et bin sur des feules "RIZ LA CROIX"
comme in ch' temps la, ej n'éto pas un gros funqueux ej les arvindo pour acater des blondes.
armarquez i z'avotent un avantache surtout quand in éto constipé i suffiso d'inl'ver l'fitre deux ou trois saques et tes intestins étotent nétchiés.
ej va dévier un peu du sujet.
cha m'rappelle ch'café qu'in buvo à l'armée dins des gob'lets in feralle avec 2 orelles sur l'coté et pour l'agréminter in tiot peu d'bromure pour éviter d'aller claquer not' solde avec les filles de petites vertus pour n'pas dire aut'cosse. surtout pour nous autes marins. surtout pour ceux qui partotent longtemps in mer et qui n'avotent pas d'fiancées in rintrant au port ou l' permission d'72h éto trop courte pour s'eusse qui habitotent trop loin d'leur bien aimée