départ en retraite de Michel Mille
par minloute le, 10/11/2011in s' plaint nouzautes , enfin ceux qui travale cor , d' vire l' date d' not' artraite à chaque coup s éloigner cor un tchiot peu ..........
à coups d' mesures, suite à un énième plan d' rigueur, (et dire qui a 2 ans in oso pas dire l' mot "rigueur" , asteure in parle d'faillite ), in va nous zarculer à chaque coup d un an, l' temps du qu in pourro poser son sac pour s arposer ...
que dire d' Michel Mille ...li y part al' retraite à 88 ans
certains bruaysiens l ont bin connu, chéto l' Abbé Mille
i yavo djà officié à Bruay dans les années 60, mi j a meme eu l' chance d'pouvoir partir avec li, m' mère et m' soeur ,partir visiter Annecy et ses environs
chéto quand que min père y éto en cure à Hauteville dans l ain
pour in arvenir au début des années 60 , yavo pas moins de 12 prétres à Bruay ...
asteure vu l' manque d' effectif et d' vocation, Michel Mille y a fait d' zannées supplémentaires ....
là i part arjointe l' mason d' retraite du diocése d' Arras
j a vu cha dans un article d' l' Avenir de L Artois, y a meme s' photo d 'sus
i éto arvenu officier à Labuissiere en 1993, y a aussi servi à l' églisse saint martin à Bruay
chéto un curé comme i devrotent tous et' , i t infinquo pas avec s' religion, chéto pas un fanatique avec un esprit étriqué
y éto vraimint apprécié d' ses ouailles
in tout cas j' vous souhaite eune bonne artraite bin méritée
min certificat d' baptême
in lisant l'sujet d' minloute ché un souv'nir qui m'est arvénu.
quand j'em su marié i a fallu avec l' futur madame R.. comme in s' mario à l'églisse Saint Martin i a fallu aller vire ch'curé. à s' mason. ale est situé à coté rue du Marché juste à coté d' l'ancien marchand d' godasses asteur cha ou chéto un magasin d'PF.
ché d'taleur que j'em su fait l' réflexion dins ch' temps la l'informatique n'éxisto pas, tout éto consigné dins des registres.
in moins d' temps qui faut pour l' dire i artreuvé l'registre in question.
tout éto classé par ordre alphabétique, les années et l'heure.
j'en sais pus si ché l'curé dont minloute parle, i a grante chance que cha soit li. mais trop d'années ont passées pour qu'ej m'in souvienne...