reflexions matinales
par minloute le, 17/11/2011avoir eune idée pour faire un sujet sur hdc, ouais avec marie claire in dit pu"histoires de chtis" , nan in a racourchi cha avec les initiales...
j arcomminche vu que j a djà fait eune digression , avoir eune idée pour faire un sujet sur hdc cha peut vous printe n importe du
et ché ch' matin, à 5h15 très précisses que cha m a pris
faut dire que j éto "in position" dins les ouatères, et savez ché un endro du que si in y enmene pas sin tricot et ses aiguiles, ou un liffe, in peut rapid'mint s y innuyer, (j' a pas dit "s y faire tchier" , c' qui s' ro l'comble de chti qui va aux ouatères)
j'em voyo djà commincher l' sujet in dijant "ah qu in est bin asteure dins ché ouatères " mais faut dire que quand ché cabinets i zétotent situés dins l' cour, meme si yavo pas d' chauffache , et meme si dehors i gelo à pierre fente, i faijo jamais vraimint fro à l' intérieur
nan , l' seul inconvénient ché que chéto situé dehors, donc y a des coups quand qui pleuvo , si si cha pouvo arriver dins l' pas d' calais, et que té devo t' rhabiller pour affronter l' drache ou l' neiche,tout cha pour aller faire "un pipi joli" comme i dijo min père ou "faire pipi sur eune pierre bleue" , m' d'mindez pas d ailleurs pourquo eune pierre bleue, min père i savo pas nan pu
y avo du inventer cha un coup j' su sur
l 'aute inconvénient, ché qui a des fos, té t habillo bin caud'mint, té sorto, et là té trouvo l' porte des cabinets freumée, vu qu' t avo pas fait l inventaire des personnes qui étotent présentes dins l' mason ou alors t avo pas intindu le fameux "j' va aux cabinets"
ouais in signalo aux zautes qu in allo occuper l' plache et selon les personnes qui tel' dijotent, certains chéto du rapite comme mi
ché à dire mi quand que j arriffe aux ouatères, ché pas pour aller raviser l' tapisserie, mi j' su plutot du ginre "bombardier d' la seconte guerre mondiale " ché à dire, t arriffe su tin objectif, té laches tes bombes et t arviens vite fait
d'autes que j' citero pas , mais qui font parti dem' famile, j' me d'mindo quo ché qui pouvotent i trouver comme plaiji à y rester plus d' 10 mineutes
et ché là qui yavo conflit entre chti qui éto du ginre "longue prone" et qui éto aux ouatères, quand que justemint mi qui su du type "bombardier" qui vient buquer al' porte pasque pour li y est pret à larguer s' cargaison si j' peux m exprimer ainsi .....
yavo un aute désagrémint et j' terminera par là ch' matin, pasque faut aller saquer d'dins ché pas d' tout cha, chéto quand que t arrivo dins ché cabinets, t éto installé et là eune fo t ' n affaire faite, té cacho aprés ch' papier toilette et que ch'dernier avant ti i nin n avo pas armis ou qui avo pas dit qui in minquo
chéto agréape d' es' rhabiller, d' affronter ch'frod, la nuit, el drache, d aller arcacher al' mason ou dins l' buand'rie ch' papier toilettes pi arvenir aux cabinets, s ardésaquer, s'rassire et escusez me s essuyer l' fond'mint
aute dernier désagrémint pi après j y va, chéto eune fos que t avo fait t' commission , essuyé tin derriere, té prenno ch' broc qui éto sul' coté et y éto vite, chti qui éto passé avant ti i avo pas été l' rimplir à nouveau pour chti qui allo passer aprés li ...
cha parait puéril tout cha, mais chéto les tchiots désagrémints qu on a asteure presque oubliés, presque , pasque cha arriffe cor qui n a qui ont pas armis ch' papier toilettes , ah la la
i avo aussi un inconvénient quand ché cabinets i z'étotent ale cour surtout l'hiver. chéto quand i falo s'assir sur l' planque et surtout pus tard quand ché trônes on été in céramique.
rien quà l'idée d's'assir d'sus in avo déjà sin cul ingélé.
quand ej pinse qu'asteur ché cabinets sont dins ché masons, et des fos avec des lunettes rimbourées ej dis que l' progrès a parfos du bon.
J'a treuvé l'explication d' l'expression "Faire pipi sur eune pierre bleue"
Dins nou région ch'est el pas d'porte qu'in appelot el pierre bleue, i étot pététe in ardoise, in tout cas un peu bleuté
Et quand in avot eu très très peur el consel des grands mères ch'étot ed faire pipi sur el pierre bleue
quand j'habito rue Basly les pierres des intrées d'masons étotent bleues.
chéto pas d'l'ardoise. j'en sais pas in quelle matière que chéto tout s' que j'em rappelle in auro dit qui z'étotent polies.
quand i avo d'el neiche les gins avotent intérêt à l'inlever tout de suite sinan gare au cocsisse in sortant. et aussi faire attention quand i pleuvo
chéto des vraies patinoires.
j'em rappelle quand in éto tiots, in monto d'sus pour sauter such' trottoir.
in bas d'el rue i in avo 3, au mileu 2 dusse qu'in resto et in haut eune.
ech't'histoire la al ma rappellé tout d'suite in des premières qu'j'ai lue , chétot din chés vatères aussi , mais té mettos in peinture , et yavot toudis qu'elqu'un din tes gampes
ouais marie claire ché bin cha pour el pierre bleusse , sauf qu'chétot pas d'l'ardoisse , mais d'el pierre tres dure , ché d'ailleurs d'su ch'te pierre qu'min père yarpassot chés coutieaux
j'su pas certain , mais y m'sempe qu'maloute y n'davot parlé in fos , tous ché viels maisons d'avant l'beton y étotent faites avec ch'te pierre , in dijot souvint " j'vas m'assire d'su l'pierre "
Bonjour tertous , mi j'me rappelle bin des souv'nirs aveuc l' fameuse pierre bleue d' l' porte d'intrée mes gins
chés que j' juos à l' belotte en fin d'aprés-midi et l'samedi aussi aveuc chés artaités de notte rue, que des momints passés un leurs compagnies, un rigolo bin et un faisot de bonnes parties et nous chés jones un rataquot chés gagnants comme un disot d'un l'timps.
Sur ces souv'nirs, je vous dis Adé à tertous un attindant l'Sainte-Barbe qui va bintôt arriver.
kiki ed levesano.