des momints sérieux ....

l' époque d' Saint Nicolas et d' Sainte Catherine, chéto du sérieux

d' ailleurs chez Defernez , ch' droguiste, et aprés ché les soeurs Balavoine, ch' boulanger (s appeler Balavoine et vinte du pain , fallo l' faire quand meme ), i sortotent à chte périote ché cartes d' Sainte Catherine et d' Saint Nicolas

ché cartes d' Sainte Catherine , ché "modernes" , ale zétotent protégé par un plastique , et souvent t ouvro l' carte par l' miyeu et comme ché cartes d ' niversaires parfeumées , y apparaisso un bouquet d' fleurs en relief ..........

souvint in acato in plus del carte eune espece de tchiote banderole d' couleur jaune, qui souligno l' fait que chéto soit Sainte Catherine ou Saint Nicolas

vous parlez d' la Sainte Catherine, j auro du mau, mais j' peux vous parler d' la Saint Nicolas

deux ou tro jours avant j' commincho à guetter ch' courrier, tout cha dans l attente d' mes cartes qui allotent arriver

j'connaisso d' avinche qui allo m in invoyer, y allo avoir m' tante et mon mononque ,qu in appelle Marraine et Parrain dins l' famile, pi eune carte d' Madame Thueux que j a djà parlé d elle qu ale habito seule rue de Commentry dins ch' coron des veuffes

après yavo eune carte des parints, et souvint aussi eune carte d' mes soeurs et d' min frère

après j' in archevo aussi mais chéto des camarates d' traval à min père comme Jean Lalloux, j' su pas sur d' l' orthographe , ou d' Monsieur CAttiaux qui éto l' chef d' min père aux ateliers du 1, et aprés j' do avouer que j' sais pu qui qui m in invoyo ...

par conte , eune fo ouvertes, j' les metto inclinées, sur ch' buffet, pour que tout l 'monte i puisse voir que j in avo archu un bon paquet ..............

in a djà parlé pas mal d' la Sainte Barbe, mi al' mason , comme min père i travaillo au jour dans ché ateliers, chéto la Saint Eloi qui fétotent eux

chéto aussi si j' me souviens bin au début du mos d' décempe, et là , j' la djà dit, in va dire que j' radote, mais jel vo cor l' cadeau qu' min père i m avo ramené un coup d un pot qui zavotent te fait aux ateliers à cht occasion là, chéto dans un étui en carton, yavo chinq crayons de coloriage

bin cha m avo fait bin plaiji pour que plus d' 40 ans après j' m in souviens cor , par conte j' me vo pas offrir cha asteure à mes zinfants, i rigolerotent d'cha, quo ? mais que veux tu que j' fasse avec cha ? ...........

eh ouais, le temps passe, la valeur pour les choses aussi ...............