bonnes fêtes à tertous

l' photo qu on vient d' mette sul' page d' accueil, avec l'carte postale d' mineur qui nous souhaite d' bonnes fêtes, cha résume bin min propos d' aujourd hui ...

pour les plus anciens, in va fêter Sainte Barpe, pour certains Saint Eloi, in va s' souv'nir d' nos Saint Nicolas passés .....des fetes d' chez nous, qui sont in train d' ete dépassé si ché pas djà fait par l' fete anglo saxonne avec ché citroules ....... pi va arriver l' momint d' la noel

ch' t année al' mason, in a pas trainé ...in est cor en novempe et ch' sapin y est in plache depuis hier aprés midi , faut dire que ch' temps i yéto au brouillard, et pour occuper ché zinfants qui s' tortillotent dins tous les sens, avec l' fameusse phrase que tous ché parints i connottent et que cha les énerffe " j ' sais pas quoi faire" .......

à se d'minder si faudro pas sortir ch' sapin et ché décorations à mette en plache dès qui s innuient , mais faire cha par exempe au mois d' juillet, in passero ptete pour des babaches ............meme si d un coup ché zinfants i zavotent artrouvé leu tonusse



comme cha année in l a arsorti d' sin carton, ché un sapin artificiel , j éto pas trop caud au départ pi au fils des ans, j' pourro meme dire des decennies pasqu in do l avoir al' mason depuis eune vingtaine d années, in l a amorti .....

j' vous avoue aussi que j' sais pas trop commint aborder ché fetes et l' nouvelle année, rin qu à intinte c' qu on intint, rin qu' à imaginer c' que pourro et' l année 2012 avec tout c' qu on nous "promet" in terme d' "rigueur budgétaire" , j' me d'minte si certains vont pas "s' lacher" ins ' dijant " in verra l année prochaine ..........et d' autes s' serrer la ceinture en prévoyance de c' qu in pourro cor devoir donner cor plus l année prochaine .............

comme diro l aute, ché pas la peine d' braire avant, cha va arriver quand meme .............

nous in artient la magie de Noel, rin qu à les vire mette ché décorations dins l' sapin, rin qu à vire leu zieux, cha brillo comme ché boules ............. et in leur donnant un coup d' main, j ' m a arvu à leu plache quand que chéto mi qui éto plus pitit que ch' sapin ............

et SURTOUT j' me dis djà et j' vous souhaite à tertous djà à l avinche, mais j' vous l ardirai au momint d' la saint sylvestre un dicton provençal que j avo intindu dans le flime "la gloire de mon père" quand qui s'souhaite la bonne année ...
et cha réseume tous mes sentimints " à l' an prochain, si nous y sommes pas plus, que nous n' y soyons pas moins"

pour terminer , j armercie cor André de Marles que j a cor armis à contribution en li d' mindant l autorisation d'publier chte belle carte postale

bin amiteus'mint

Merci pour ché souhaits Minloute

mi, j'attinds avec grantt impatience el 21 Décemp 2012 , vu que ché Mayas i z'ont prédit la fin du montt , ej sus continte pasque ej sus comme ché tiots ej sais souvint pas quo faire...

j'attinds avec impatience " décempe 2012
pour vif chés fabuleux z'évènemints
pour arvénir ach'sapin , mi j'voulos toudis un naturel , cha sint bon et pi tout simplemint ché naturel , et ché vrai rin qua vir les neuls brillants in étot contint
surtout qu'nous in a jamais connu cha , à part el brioche et ch'l'oranche qu'in avot à l'école