ch' persil

l' tiete à hauteur del tchiote tape del cuisine, j'avo ker raviser m' mère quand qu ale sorto les "zinstrumints d' torture" ...

yavo le hachoir qu in visso au coin del tape et qu in passo l' viante d' dins in appuyant d un coté avec un pilon in bo, et que d' l aute main in tourno l' manivelle, et mi j' éto tout baba à vire l' viante sortir comme en spirale pour querre aprés dins zin bol en pyresque ...................

mi j avo ker cha quand que mère ale y passo les restes del viante du pot au feu pour pouvoir in faire du hachis parmentier ...

mais min préféré et j avo l' dro d' min servir d' temps in temps , vu que chéto pas éléctrique, chéto l' moulin manuel à fines zherpes

té coupo grossièr'mint l' persil , que t intiquo dans l' tchiot réservoir du haut, t armetto par dessus l' patte qui permetto d'bin maintenir et d'presser ch' persil vers l' manivelle dentée qui yavo à l intérieur, et tout in tournant l' dite manivelle, ch' persil y éto déchiqueté et i passo à travers l' grille qui yavo in d'sous et j' avo ker comme cha saupoudrer ch' plat du que m' mère ale avo djà mis ché tomates coupées in morciaux et assaisonnées

j' avo ker aussi faire cha avec des morciaux d oeufs pour saupoudrer ché plats

mais min super préféré mais là m' mère ale éto pas trop caute pour que j' m in serve, chéto l' batteur manuel à zeufs

zavez ch'ptite machine que té tourne aussi eune manivelle, et là , comme par miraque, cha fait tourner intre eux 2 fouets sans qui s'touche , miraque d' la technologie

mais m' mère ale savo que j éto pas toudis raisonnappe, et j' me souvins qu in coup eune fo que m'mère ale avo terminé avec l' batteur manuel, j' l avo pris dins l'lévier, et j avo tourné chl' apparel, mais comme yavo cor del pate pour faire del pate à gatiaux, j avo fais du mouch'tis dins l' cuisine ........

ech'meilleux avec ch'te machine , chétot ch'paté d'foie , j'vas pas énumérer s'ingrédients , j'el sais pas , mais chétot fameux , surtout qu'tout cha chétot rare , chétot vraimint du lusque

y a eu comme eune transmission d'pinsée.
Justemint diminche j'expliquos à mes jones qui existot d'in l'temps des batteurs à main avec eune manivelle.
In pouvot artourner ch'bol pour vire si que l'mayonnaisse ale étot bien belle ; ale étot réussie quanque qu'cha faisot un bloc bien épais et ferme surtout.

Pour l'persil j'va vous dire j'ai plein d'appareils électriques ou pas pour faire chi, pour faire cha, et pis j'cope l'persil très très fin dins un verre avec m'paire d'ciseaux d'cuisine.