histoires-de-chtis® depuis le 20 février 2005

 

 

Les 60 dernières histoires


  l'os à moelle (25/10/2020)
  ch' bouillon (25/10/2020)
  dans la rubrique coup de coeur (24/10/2020)
  du coté du Cap Horn (23/10/2020)
  LES ATTRAPES A SOURIS (20/10/2020)
  coureurs cyclistes mauvais souvenirs (17/10/2020)
  coureurs cyclistes bon souvenir (17/10/2020)
  MEMERE EUNE VIE 2ieme partie (12/10/2020)
  la montée en classe (07/10/2020)
  MEMERE EUNE VIE 1ere partie (06/10/2020)
  la boite à pharmacie partie 2 (04/10/2020)
  la boite à pharmacie partie 1 (04/10/2020)
  Tutur (02/10/2020)
  Luis Mariano... (02/10/2020)
  TELEPHONE et FACTEURS partie 2 (29/09/2020)
  Papa et sin gardin (26/09/2020)
  LA POSTE de BRUAY partie 1 (22/09/2020)
  Firestone (20/09/2020)
  départ en carette (20/09/2020)
  LES NOUNOURS (11/09/2020)
  BERCK 2020 SOUVENIRS (03/09/2020)
  ESCURSION IN BELGIQUE (27/08/2020)
  au temps du bio, du qui sont ... (25/08/2020)
  pour alimenter radio coron ... (23/08/2020)
  MIN PREMIER PICHON 3ieme partie (14/08/2020)
  PEQUE A SAINT VALERY partie 2 (07/08/2020)
  PEQUE A SAINT VALERY 1ere partie (04/08/2020)
  Cocu (03/08/2020)
  LES COUPS (31/07/2020)
  Bruay en Artois 1935 (26/07/2020)
  bibilolo de Saint Malo (26/07/2020)
  VOYETTES partie 2 (23/07/2020)
  VOYETTES partie 1 (20/07/2020)
  EPILOGUE : LES COMMERCANTS (08/07/2020)
  PARFUMERIE DELERCE (02/07/2020)
  Jacqueline la bienfaitrice (28/06/2020)
  VETEMENTS MARCHAND FRERES (26/06/2020)
  LE CINÉMA CASINO (22/06/2020)
  IN ARRIVANT AU CERCLE (19/06/2020)
  cha a bien cangé (16/06/2020)
  DU BALATUM OU DU LINO (13/06/2020)
  IN VA CANGER L TAPISSERIE (08/06/2020)
  DERNIERS COMMERCANTS AVANT LE LYCEE (01/06/2020)
  LIBRAIRIE POINT VIRGULE (28/05/2020)
  VERMELLE et DUCOURANT (23/05/2020)
  El doctor et s'passiente (20/05/2020)
  PATISSERIE BOUCLY (19/05/2020)
  Sujet fille de : retour de Merlimont 72 fin (11/05/2020)
  El confinemint (10/05/2020)
  retour Merlimont fin aout 1972 fin (09/05/2020)
  retour Merlimont fin aout 1972 (09/05/2020)
  100 ZARTIQUES (02/05/2020)
  siffler ou siffloter ? (26/04/2020)
  La lampe au chapeau (23/04/2020)
  MEDICAMINTS D AVANT partie 2 (22/04/2020)
  la télé et le confinache ... (22/04/2020)
  Abalourd a les pieds lourds (18/04/2020)
  ch' confinache (15/04/2020)
  PHARMACIE DUBOIS (14/04/2020)
  CONFINACHE (08/04/2020)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 mememarie ( 02/08/2020)
Bonjour, Je découvr...
 Drit79 ( 08/02/2019)
Mon dernier écrit ic...
 michel.gervois@neuf.fr ( 07/10/2018)
Bonjour à tous les B...
 dufossez jean ( 24/09/2018)
Bonjour les potes J...
 bob 38 ( 22/09/2018)
Bonjour a tous , chu...


Liens
Histoires de chtis sur votre site
sons du passé
par minloute le, 03/12/2011  

les sons du passé ...................

in n a presque autant

j' comminchero par ché sirenes qu in intindo tous les midis, sirénes au pluriel , pour mi du qu in éto in intindo l' 2 et l 6
in auro cru ch' boucan comme dins ché films d' guerre i zannonçottent que cha allo et' bombardé

l' diminche , al' sortie d' la messe ,l' bruit des cloches qui résonnotent, j' me souviens in s intindo pu dans l' tchiot passache al' sortie d' l églisse Sainte Barpe, j' voyo ché gins s' dire bonjour sans s' parler , rin qu in faijant des mimiques, pas la peine d essayer d' babeller avec ch' bruit là ....

in s'maine,vers 13h , l' clochette du camion "Maïs" , in l appelo comme cha, chéto un HY citroen taulé, i zétotent 2 , l' un avec eune panche, l aute épais comme un sauret, l un ach' volant, l' aute toudis al' porte latterale ouverte del camionnette et qui ayonno eune cloche dins l' rue pour s'signaler qui arrivo , in l appelo
such' toit i yavo des ballots d' paille et i vindotent des graines d' mais , du leur surnom

l' vendredi , au coin del rue "créchon, créchon, créchon" qui crio ch' marchand d' cresson, debout à coté d' sin vélo

sul' devant dech' velo yavo un grand sac d' jute humite, et d'dins ché bottes d' crechon

crac boum , crac boum, crac boum, cha faijo dins l' rue quand qui n a un qui rintro sin carbon, crac chéto l' bruit del pelle qui rintro dinch' tas, boum l' bruit du carbon qui artombo dins l' brouette

pi réguliermint t intindo pu rien, chéto l' momint du qui rintro l' brouette d' carbon par s' cour dans eune d'ses barraques au bord du gardin


criiiiiiii, quale faijo l' pointe du diamant quand qu in la poso au début du disque ...



bruit moins zagréape, l' lundi matin, in intindo ché zéboueux trainer ché lessiveusses arconverties en poubelle , pour aller les vider dinch' camion

flop qui faijo l' clapet del boite à lette , incrusté dins l' porte d intrée, quand qu au matin , in i glicho ch' journal la voix du nord

bruit strident, ou plutot tremblemint inquiétant, ché vitres sous l' action du trafic d'plus in plus important sul' route nationale, chéto l' temps du que ché farniete chéto du simpe vitrache, et ché vites bin collées au mastic ...........


"attenntionnnnnnnnnnnnnnnnnnnnnnnnnnnnnnnn, les petits zenfannnnnnnts , le cirrrrrrrrrrrrrrrrrrrrrrqueee pinder va planteeeeeeeeeeeeeer son chaaaaaaaaaaapiteau dans voooooootre villlle " , ouais chéto les annonces qu in intindo de loin, in allo vite s' mette au coin del rue avec mes camarates pour vire passer l' caravane publicitaire ......

bruits d' accordéon à toute blinte, parel, chéto l' signe d' la caravane du grand prix d isbergues ou du tour de france

vinguette vla djà ché cyclistes, vrommmmmmmmmmmmmmmmm, ch' p'loton qui arrive à toute vitesse, on intind un vrai concert d' rayons métalliques qui tournent tous ensempe d' un seul tenant

alors y est passé ? au son té pouvo savoir si chéto les autobus artésiens ou ché cars bleus

ché cars bleus chéto un bruit plus d' castrole , faut dire que ché autobus i zétotent souvint del génération précédente

et pour ché plus jones, enfin ceux d'em' génération , l' bruit des flippers sans oublier l' bruit des manèges al' ducasse ................

par nounours-94 le, 03/12/2011

ché vrai que dins l'temps nos vies dins ché corons étotent rythmés par des sons.
pas b'soin d' calendrier pour savoir que jour in éto. ej parle des marchands ambulants

ch' boulinger, ch'boucher, ch'pichonier,(marchand d' pichon), ech' laitier etc..
chaque jour in arconaisso leurs klaxons.

cha éxiste cor dins certains vilaches.
cha rint service aux personnes agées qui n' peuvent pus s'déplacher.

quand aux jones ché pus pratique d'aller s'ruiner à carrefour ou autre hyper marché.
ben sur ché un propos qui n'ingage que mi!!

par vauthier le, 03/12/2011

le vendredi il y avait Mézier le marchand de grain qui passait avec sa charette et son cheval, il secouait sa cloche pour annoncer son passage.

Il y avait aussi chaque semaine le cri "peaudelapinpo" un bonhomme qui passait ramasser les peaux de lapin qu'il chargeait sur son vélo.

Faut dire qu'a l'époque beaucoup de personnes élevaient des lapins et.... des poules d'ou le marchand de grain

par jpp le, 03/12/2011

i a qu'mi qui va passer pour un gourmand mais.... in été in s'rapelle tous ed Marcel, ech marchand d'glace avec sin triporteur à moteur et pi esse pétite "trompette" sur el quelle i jouo toudis el même air pour annoncer esse n' arrivée... et tous ché jones qui criotent vla Marcel.

El malheureux i a eu un malaise din l'rue d'Diéval et i est mort quéque z heures après. On a dit qu'il avo eu un coup d'chaleur.

par maurice devos le, 03/12/2011

que mémoire , et ché vrai du coup , cha m'rappelle tous chés bruits qu'j'avos oubliés

pour chés sirènes , y a pas cor si longtemps qu'cha in les intindot cor un mercredi par mos à midi pile , pour chés cloches d'églisse cha faijot partie d'el vie , in les intindot pu

par conte ya cor ed' cha 5 ans ach'bistrot du qu'j'allos boire min demi l'diminche , à coté d'léglisse , cha faijot un boucan diape
ach'teur j'vas pu au bistrot , ya pu d'cloches nan pu , chétot suremint pour m'emmerder

et ch'pieaulapinpeau , au début chétot à vélo qui passot , et pi apres y sa modernisé , yavot un bidet et in tiote carette avec in cloche

par Marie-Claire le, 03/12/2011

Pour chés sirènes quand j'étos jone chétot tous les jeudis à midi, après cha a été tous les mercredis et asteure dins gramin d'communes ch'est tous les premiers mercredi du mos à midi

Quant à chés églisses, y a des communes dù qu'in les intind tous les jours, mi dù que j'sus ché comme cha, et d'autes dù que ch'est plus rare, i parait que cha gène les gins ... i parait même (j'a lu cha y a pas longtemps) qui n'a qui portent plainte conte el bruit des cloches .........

par chtitalienne le, 03/12/2011

bin mi ché l' son d'ech réveil beige qu'em mére al montot tous les soirs din l'champe , din l'journée y'étot sul cheminée dinl'cuisine, chétot un geste qu'ej y'ai toudis vu faire l'soir di inlver l'poussiére avec sin coin d'peignoir et zouu in montot tous les quatt ,em manman , min frére , ech rével et mi... TIC TAC TIC TAC qui fezot tout l'nuit

par Vital Potié le, 04/12/2011

l'bruit d'chés sirènes in 44 pour prévenir que cha allot bombarder , et in allot m' mère min frère et mi , avec toute l'cité s'mette à l'abri à ch'terrain d'foot.
i avotent fait in tiot machin chétot pas grand du tout , et pis ch'grand tunnel in d'sous de ch'pétit terril al fosse 3 là i avot du monte et in intindot que l'alerte al sonne que chétot fini
des bruits qu'in a gardés au fond d'nous même


 


Contact | ©2005 histoires-de-chtis®.com - Webmaster : Gold77 - CNIL : 1075910 - 7 visiteurs connectés - Qui est connecté ? |