pieds de fer, enclume de cordonnier
par minloute le, 19/12/2011mi cha m avo intrigué cha un coup que j avo été avec m'mère a mon dech' cordonnier, dins l' fond d' sin ateyer yavo un pied d' fer qui dépasso d' derriere ch' monceau d' godasses qui trainotent là
ch' fameux pied en far, l enclume d' cordonnier, commint que j' pourro miu vous l' décrire que par un billot in bo du qu in a rajoutté eune espèce de pied, cha ressemblo à eune poulaine, savez ché chaussures du moyen ache
in tout cas chéto très intrigant d' vire ch' t enclume depasser de derriere ch' monceau d' godasses, in auro pu facil'mint croire que chéto quéqu un qui éto mort et qui yavo sin pied en l air qui dépasso
d' ailleurs chéto aussi lié à un aut' souvenir que j avo, chéto un ancien blessé d'guerre, j' sais pas si yavo eu cha à la premiere ou à la seconte guerre , savez quand qu in est tchiot in vo tout l'monte plus viu qui n' est ...
et ch' t invalide là, y avo eu ses deux gampes d' coupées, y éto dans eune carette qu in appelo "carette à moules" pour s in moquer, savez ché carettes du qui a un volant mais que pour avincher fallo quel' gars soit y pédale avec ses mains pasqu i yavo un tchiot pédalier juste à coté ,ou alors fallo ayonner d avant en arriere ch' volant pour faire avancer l' carette
pour in arvénir à ch' gars là, quand qui avincho, y avo ses "gampes" enfin ses prothesses, ale zétotent à l arriere , debout derriere li dans un panier
et j' vous jure qu en étant tchiot chéto eune imache qui vous marquo
alors comme que j' vous disais quand que j allo al' cordonnerie et que j' quéyo sur l' enclume avec ch' pied en fer en l air j éto pas rassuré
faut dire que chéto l age aussi du que j' liso les Arsene Lupin, Rouletabille et compagnie, et j éto toudis bin receptif à tout c' qui auro pu faire divaguer m' n imagination ......
cha a pas cangé asteure d ailleurs
bin mi cha m'rappelle min père , qu'yétot souvint derrière sin pied d'fer pour arssemeler nos godasses
y acatot des plaques , soit d'cuir , soit d'caoutchouc , avec sin "tranché qu'yarpassot d'su l'pierre" y décopot chés s'melles al juste mesure , in posant el'godasse d'su l'plaque , y cloyot avec des "s'mences " qui avot toudis din s'bouque
d'su l'arrière d'el semelle y faijot un tiot chanfrain , y ajustot ses coupes au M/M , et apres y faijot l'étanchéité , avec du brai , qui faijot fonte avec un tiot fer qu'yavot cauffé d'in ch'fut , et des fos y mettot des daches , surtout d'su chés s'melles un bos , j'intinds cor ech'bruit d'ech' martieau
j'ai cor sin martieau d'cordonnier , al caf
( 2 photos)