Les jardinsNORDMAG
par minloute le, 22/12/2011savez dans la vie y a d' zinstitutions, alors cha peut et' d' vraies zinstitutions, quequ' fo in dit quéqu un , d' un commerce ou meme d un plat régional "ché eune institution"
faut s' méfier des institutions, pasque souvint ché choses qu on cotoye régulier'mint, qu au fond ' nous meme "in sait qu' ch' est là" , mais à forche d' habitute, in print pas souvint d' nouvelles d' eux ...
et queq' fos in peut les oublier, à forche des' fonte dans l' milieu ambiant
ché un peu l' cas j' trouve pour le site internet "NORDMAG", qui est en plache depuis un sacré bout d' temps
quand qu in a voulu faire un nouviau site avec Marie Claire, in a pas eu la science infuse, in a été raviser , pluquer, améliorer , faire à not' mote c' qu in avo vu sur d' autes sites
et Nordmag chéto eune d' nos références
j' do avouer qu avec l' temps j a été moins souvint raviser c' qui faijotent , faut dire qu in avo du traval d' not' coté, mais faut savoir aussi d' temps en temps armette un tchiot coup d' leumiere sur des sites incontournapes
tel'mint incontournapes qu in va pas forchémint les consulter régulier'mint
cha aborde tous ché thèmes, et pour mi qui su un "éxilé",j éto passé à coté de Béthune qui a été capitale régionale de la culture
personel'mint j a ker tout c' qui est histoire mais aussi tourisme , y a d' belles photos et certaines in peut meme les zarprinte en fond d écran
