pas m' journée préférée partie 2 souvenir d un sapin de noel

hier au matin, j a pas pu faire l' grasse matinée, ché parints i sont déchindus plus tot qu' t habitute, j a intindu l' bruit des sacs plastiques qu in approcho, pi j' les a vu déballer ché cadeaux sul' tape del salle à minger un peu pour pouvoir bin les disposer ensuite à min pied

j éto pas surpris de ch' rével plus matinal qu à l habitute, hier au soir pasque chacun des mempes del' famile avo mis sous mes branques une godasse ou un chausson

cha les zavo fait rire d ailleurs , comme cha année i s' moquotent d'la tchiote taille du chausson dech' dernier, minloute qui s appelle, par rapport al' grandeur des "panards" d' sin père ou d' sin frère

pi bin sur yavo ses soeurs qui dijotent aussi "pourquo qu' té met un chausson minloute, y a pas d' cadeaux pour ti"

li bin sur i parto au quart de tour, quite à vouloir in découdre physiqu'mint, mais ch' père i véillo au grain, i crio d' eune grosse vo " jeu de mains , jeu de vilain"

pi i rajouto l' "phrasse qui tue" , j' m in souviens cor bin pasque ché la meme qui arvéno chaque année "j' sais pas si en fin d' compte t aura quéquosse demain ach' sapin si cha continue"

cha avo au moins l' mérite del calmer

mais arvenons ach' matin, cha y est tous ché cadeaux i zont été installés, enfin ceux que ché parints i zont disposés


l' mère ale armonte à l étache pour réveiller ché soeurs et ché garchons, enfin quand que j' dis cha minloute i éto djà dans l ' encoignure del porte del champe quand que s' mère ale monto l' escayer


chéto l' premier in bas, alors mi j' el raviso du coin d' l oeil, i yavo déchintu à toute blinte, pi marqué un temps d arret en arrivant dinch' salon, pasque j éto dans l' coin del pieche aprés

s' mère ale avo tout fait aussi pour m' mette en valeur, ale avo branché ch' matin l' guirlante electrique ,j' brillo d' tous mes feux ...

savez intre nous ché plutot exceptionnel que l' guirlante electrique ale marche vu que m'mère ale avo eune frousse qui y a un court circuit et que j' prenne feu

mais croyez pas que chéto dem' vie qu ale s inquiéto, nan nan, ale pinso plutot aux dégats , à l incendie que tout cha risquo d' provoquer ...............

j' su quand meme à leurs ziux qu un arbuste acaté pour l occasion ...................

cha y est minloute i arriffe dins l' pieche, à peine si y a va embrasser sin père qui vient juste d ayonner ch' fourneau et qui va sortir ché chintes pour les mette dinch' gardin arfroidir dans eune viele lessiveusse qui sert qu à cha et qui est rangée juste aprés ché barraques

là minloute ché eune vraie pile , et cor j' devro dire qu au niveau tension ché plutot d' la haute tension electrique qui fait

i comminche à trépigner, li y est en bas, mais sin père i s occupe d' "ché feux" : le fourneau et ché 2 convecteurs, chti qui est dinch' salon et chti qui est dans l' pieche d' devant

sin père i a passé au d' sus d' sin pyjama eune viele veste, un "cache col" comme y dit, pi bin sur s' casquette, savez que dins ché momints là, quand qui s occupe des chintes des fux , faut pas rester dinch' passache sinan in a dro à "pin pon pin pon pin pon" ...

minloute i trenne d impatience, faut dire aussi qui a d' quo, ah cha y est y a ché soeurs qui déchintent, mais tout douch'mint ....

in plus y a del chance si ale veulent te pas boire un tchiot premier café , mais l' mère ale dit "nan ravisez minloute " in va faire ché cadeaux tout d' suite

brav' manman, qui s' dit ch' tiot dins ' tiete .......

ché soeurs ale zarmontent et vont ardéchintent ché paquets cadeaux

oh vinguette ch' tchiot y est contint , y en saute d' joie sur plache

y a d' l effervescence autour d' mi , in in met des cadeaux à mes pieds, des grands , des tchiots, des compactes, des grosses boites

croyez que cha allo et' tout d' suite l' reuche comme i dissent ?

nan , yavo ch' grand frère qui avo été réveillé comme es'zautes, qui éto pas l' vé

l' matin i traino toudis au lit quand qui travaillo pas, ch in éto eune calamité ...

qu en fin d' compte que ch' père i avo l' temps d' finir ché fux, d' artirer ses vieles loques. et d' assire al' tape ...

que l' mère ale avo eu l' temps d' armonter dire à min frère que tout l' monte i l attendo in bas et qui s' décite à déchinte avec ché cadeaux , qui plache ché cadeaux à min pied ....


ché soeurs et ch'père y zont eu l' temps d' boire eune premiere goutte d 'jus , ch' tchiot y a englouti en eune gorgée sin jus d oranche pi trépigner cor un momint à coté d' mi, qu' ENFIN in pouvotent alors commincher à approcher d' mi pour printe leu cadeaux .....