Les jardinsmin train électrique
par nounours-94 le, 26/12/2011ché papa Noël qui m' l'avo apporté ia d'cha fort longtemps i a pus d' 45 ans ché à dire "hier"
i n'éto pas bien grand. 10 rails courbes, eune loco et 2 wagons. qui soit dit in passant chéto un jeu du diape pour mette ch' train sur les rails.
par la suite ej l'ai agrandi. j'allo acater des rails droites et des gares à mo Nord et Loire que min père i construisot
j'avo quer juer avec.
j'ai grandi ej m'in suis désintéressé ej préféros faire mumuse avec les garnoules et découvrir leur anatomie.
l'histoire pourro s'arrêter la. mais in a tous une âme d'infant.
mais l'cop passé, j'in ai treuvé un dins un vide grenier j'ai pas pus m'in impécher ej l'ai acaté.
quand bobone ale est rintrée, et m' veyant m'amuser avec ale ma dit : nounours va t' faire soigner té devient gateux, t'artourne in infance.
ej l'ai démonté et ringé dins l'cellier et qui sait si un jour quand j's'rai grand père j'el f'rai vire à mes tiots infants.
pas sur que cha leur plaira!!!
