recensement de Bruay en Artois 1911

je vous invite à aller vire "les archives départementales du pas de calais"

eune fo su le site vous buquez sur "chercher dans les archives" puis dans "archives en ligne" ,là vous buquez sur "recensement de la population" et là vous choisirez la commune , ichi "bruay en artois" pi l année "1911"


après cha s' lit d' différentes manières, ché en fait le relevé toute la population qui éto présente à bruay en artois en 1911 ,quartier par quartier ,rue par rue, mason par mason .............

y en a 315 pages , j in a fait l' tour un premier coup en moins de 3 heures

ché très interessant ,pasque vous pouvez connaite qui habito telle rue , mason par mason si cha vous interesse

pouvez savoir aussi qui habite dans chaque foyer, cha peut et' la famille qu in a l' détail meme del date d' naissance, in a aussi la profession des parents

verrez aussi qui a quequ' fos la mention "pensionnaire" , alors cha a 2 sens

y avo des masons du qui pouvo y avoir eune famile et ses zinfants et , pour arringer les fins d' mo, i zavotent pris un pensionnaire , souvint un jeune "houilleur" célibataire

y a des coups aussi que le terme "pensionnaire" cha désigne aussi eune future belle file ou futur gendre qui habite là en attindant "des jours meileux" ou simplemint l' date d' mariache

m' grand mère ale avo été priée d' quitter l' mason quand que s' mère ale a su qu ale éto enceinte , alors ale a v'nu habiter chez s' future belle mère, ché marqué qu ale est pensionnaire ................


autre fait marquant, y a aucun nom polonais, ché seuls "étrangers " i sont belges , et quand que ché gins i sont étrangers on précisse leur nationalité

mi j a eu ker raviser cha, pi artrouver des noms de rue qui am'mote existent te pu comme la rue des agaches, la rue des quarante, la rue du hamel et si j' me trompe pas la rue de l argillère

j a deviné aussi du que chéto des tchiotes masons, dins certaines rues, y avo pratiqu'mint pas d infants ou "au pire" 2

mais yavo aussi souvint des masons du qui yavo 5 6 7 voir 8 infants ....

j a artrouvé des noms bien d'not' coin , des noms que j avo pu intindu d'puis longtimps

des Souillard, des Distinguin, des Plichard, des Van Quelef, des Lefebvre, des Dieval etc etc etc ...

in étudiant plus dins l' détal eune parinte à mi, j a appris qu ale avo été servante et ménagère ché un ingénieur des mines de bruay

cha m a fait titiller cha quand meme, pasque ch' fameux ingénieur i avo as' mason, s' femme , ses chinq enfants ....et 3 servantes ménagères

j' a mis cha en parrallèle avec ché familes du qui avo ch' mari qui éto houilleur, ché 2 "grands" qui étotent mineurs d age qui travaillotent déjà al' mine , et pi eune ribambelle d' 6 jones aprés , tout cha qui éto sous la houlette d' la seule maitresse d' mason

à méditer mes gins