les rivières ''traites''

allez mes gins , on artourne eune "paire" d années in arriere, j' auro plutot du dire " un bon paquet d' années" , efin du temps du qu in allo frotter nos tabliers d écolier su ché bancs in bo d' la classe

aujourd hui cours d' géographie, in plus ché un cours espécial aujourd hui , in va parler que d' not' région du nord pas de calais

in va rimplir tout douch'mint l' carte polycopiée que nous a donné ch' maite

in va vire nos collines d artois , de Lorette (qu in conno surtout pour l' antenne télé d' bouvigny), in est cor trop jones pour s interesser ou comprinte l' tuerie qui a eu par ichi, in vo qu' ché "montanes d artois" ale montent tout douch'mint mais sur'mint d est en ouest ,pour s' terminer par 2 zindrots au nom si rigolo, l' cap gris nez et l' cap blanc nez


mais j a pas oublié que ch' maite i nous dijo que les falaisses blanques qu in voyo au dela du pas d' calais, ché falaisses anglaisses chéto l' continuité d' nos collines ....

in parlo d' la préfecture, Arras, eune ville à la fois si proche mais si éloignée pour nouzautes

aprés in devo hachurer du qui yavo ch' bassin minier, au momint qu on l étudio, l' activité des mines éto cor la principale activité du bassin

chéto l occasion d ailleurs d' vire du que bruay éto situé sul' carte du pas d' calais ...

aprés j' do vous dire que cha m interesso moins, chéto du qui yavo des cultures céréalieres, du qui yavo des vaques qu in élevo , des bidets du boulonais etc etc

nan mi j' préféro imaginer les sombes forets d antan, du que les armées romaines ont eu du maux à traverser, mais que par la suite, not' départemint a été eune des "autoroutes " empruntée par pas mal d envahisseurs

cha m interesso quand que ch' maite i nous parlo qu in avo été espagnol ichi, et que ché pas si loin l' temps en fin d' compte qu in apparteno pas cor au royaume de france

mais arvenons al' géographie, mi yavo quéquosse qui m' chagrino, j m éto apercu que beaucoup d' rivieres d' not' départemints, bin as' jettent te pas dans la Manche

nan , nan, in pourro meme dire , qu ale y tourne l' dos , avant d' faire un crochet pour aller finir leu course, affluent d affluent, tout cha pour finir dans la mer du nord in arjoignant l escaut , qui traverso l' belgique pour terminer s' course en hollante ..................

pour mi , chéto des rivieres "traitres" , des rivières qui osotent quitter not' pays, comme si l io qu ale trinsportotent , chéto qu à nous .................................

Chétot pas des traites nos riviéres , al z'allottent din ché zautts pays y porter ché gros cacas ed vaques françaises.. j'ai vu l'photo sur ché boites ed camembert !!

Bruay dins l'Pas d'Calais ? Ouais, bin seur i'n'd'a un mais i'a aussi un Bruay (dit su l'Escaut) dins l'Nord , à 4 km ed Volinciennes !

Ch'tot aussi eine ville minière bin actife dus qu'in peut cor vir quèques corons. J'invite les gins à printe el quémin qui va d'Bruay... su l'Escaut à Raismes.
Avant d'intrer à Raismes, vous torn'rez à drote pou arjointe el Base Nautique ed Raismes, à l'intrée dé l'forêt d'Raismes-St Amand.

Ch'est l'paradis pou infants pusqu'i'a gramint d'jux, des pistes pou rollers et planques à roles. Aveuc leus parints, i porront daller in pédalo su un biau lac.
Les gins, grands et tiots, pourront aussi s'pourméner (mais toudis loyés à eine corte) in haut (et menme à l'toupette) des apes moyénant quèques doupes.

Et pou tertous, à 400 mètes ed là, toudis au pied du bos, à côté d'un quévalet bin arnouv'lé, in peut monter(gratis) su 2 vius terrils dus qu'i poussent des plantes exotiques et dus qu'in a eine belle vue su l'z'invirons.

Montez à l'breune, su l'pu haut el 13 et 14 juillet et ainsin vous verrez tous les fus d'artifice du Valenciennos. J's'rais là ! J'vous attind. Arténez bin l'nom : Base Nautique ed Raismes !

bin heureusemint qu'ya chés rivières traites, sinan quo qu'yarot bu min père qu'yétot beche, faut pinser a z'autes un tiot peu
pour arvenir à Raismes, quand j'restos à Marly les Valenciennes ed' 1964 à 1969 , yavot pas cor d'autoroute et in traversot ch'te forêt d'Raismes, et l'souvenir qui m'resse el plus marqué ché ch't'arpe à loques, qu'yavot au bord d'el route, in s'demandot vraimint s'que cha pouvot arprésenter

Nos rivières n'ont pas toutes choisi d'aller de jeter dans dans d'autres cours d'eau (la Canche, l'Aa.......).
Quant aux autres, elles ont préféré aller rejoindre leurs copines d'à côté, et rester discrètes, sinon on les appellerait des fleuves..............