l' odeur du mos d' janvier ...
par minloute le, 12/01/2012cha y est les fetes ale sont passées, ch' père noel y est arparti as' mason, in est dans l' nouvelle année, et ché mages i sont arrivés à Bethleem pour vire l' tit Jesus et li offrir ché cadeaux ...............
ché galettes sont mingées, ché rois sont tirés, ché couronnes distribuées .......
et pourtant in a oublié , in s offro aussi du gui et eune branque d' buis
cha chéto Clara qu ale passo al' mason avec sin grand cabas et qu ale faijo l'tournée d' tous ceux qu ale connaisso et qu ale avo ker, inter nous cha faijo du monte .............. pour offrir cha à min père ...
chéto un rituel d'début d année
aute rituel , eune fos toutes ché fetes d' passées, in offro pas qu' du gui quand qu in faijo l' tournée ,mais aussi eune tchiote potée d' jacinthes
eune paire d' bulbes bin serrés dins ch' pot, à s' deminder si y a assez d' terre dinch' pot pour qui s'dev'loppe normal'mint dans si peu d' plache ..........
et surtout quand que vous zoffrez cha, offrez les sans qu ale so djà in fleur , nan faut offrir quand que cha parait insignifiant
pi verrez, tout douch'mint cha va pousser, et ché fleurs ale vont sortir tout in dégageant eune odeur agréape si caractéristique
ché eune odeur que personel'mint j adore, et d ailleurs in dijo souvint al' mason " ah ché sint bon l' jacinthe offerte par untel ou untelle"
comme si ché gins i vous avotent offert 2 cadeaux , un quand qui vous donnotent ch' pot d' fleurs, et un aut' queques jurs plus tard , quand que la jacinthe ale délivro sin parfum