ché photomatons

l'cop passé in allant m'faire tirer l' portrait pour ar faire faire m' carte d'identité, cha m'a rap'lé un souv'nir.
asteur quand vous arrivez dins l' cabine et que vous avez min vos pièches l'femme qui est à l'intérieur ale vous dit c'qui faut faire.

une fo que vot'visache est cadré l' garnoule ale te prind in photo sauf... qui a pus d'flash et 1 mn montre in main après t'as tin portrait
ché la que cha m'a rappelé les anciens.
notammint ch'ti qui éto à coté du Prisunic au terminus des autobus Artésiens ou Dourlens à Bruay.

si té réglos mal tin sièche et au bout d' lonques minutes d'attinte el photo ale sorto avec la moitié d'tin visache rebelote t'avos pus qu'à arquemincher et surtout i avo l'flash.
un flash qui flashot comme eune éclair.

si par réflexe t'avos l' malheur d' cligner tes yux et que l'photo ale arsortot avec des yux comme des chinois, rebelote.
si ch' rideau i éto mal mis derrière re séance et tin porte-monnaie i queminchot à faire la g...
un cop à n'pus avoir assez d'sous pour aller boire un verre au Maxéville..

comme ej dis toudis parfos l'progrès i a du bon.
m' demindez pas si l'femme dins l'apparel ale éto belle j'en l'ai pon vu j'ai qu'intindu que s'voix. eune voix bien aimape d'ailleurs.
mais s'qui ma semblé bizarre ché qu'ej n'ai pas vu d' porte. j'em deminte commint qu'ale fait pour rintrer et sortir???

pour mi l' photomaton, ché lié au collège , car l' premier coup que j y a été , chéto pour min cahier d' correspondance d' cinquième ...


l année d' avant in avo du cor aller chez charles et roger j' cro bin


pour ch' photomaton mi j a souvenir que après qui éto ach' prisunic y a été dans l' renfonc'mint du magasin Georges Paul

bizarre , cha ch' photographe chéto Charles et Roger , ou plutot charléroger comme in dijo, et ch' tailleur Georges Paul, cor 2 prénoms ....

j' me souviens aussi qu in y allo y a des coups et qui avo djà pas mal d' parints qui attindotent avec leurs zinfants pour faire l' série d' photos


aprés , plus tard, in allo les faire à mon Cora , dins l' galerie marchante, comme cha in allo boire un d'mi al' cafette