Avant ch'bal
par LA CLO le, 28/01/2012In mettot eune bonne partie d'l'après-midi pour s'préparer.
In avot 17-18 ans mi pis m'copine.
In queminchot par nos mises en plis, des bigoudis, bien serrés et pour faire des coiffures bien crépées, bien gonflantes ben in avot un vaporisateur avec un mélanche d'ieau et d'bière, ouais, vous avez bien lu.
J'peux vous dire qu'ch'a ténot nos boucles ! l'vint i pouvot souffler, ch'étot l'lendemain matin qu'in rigolot moins pour s'arcoiffer ....
Après cha in s'faisot un masque (man mère, j'n'ai honte) d'beauté, alors là tout y a passé, du concombe in purée, des masques avec del farine, des jus d'citron avec jaune d'oeuf et pis d'autes que j'ai complètemint oubliés. Parlez me d'cha à 18 ans in a core eune peau de jone file, pas eune ride, mais ch'étot comme cha fallot s'faire belle.
Pis après cha y avot l'séance manucure. bains pour ches cuticules, séance vernis et après in arpassot nos jupons et jupes et ouais ch'étot dins ches années 60 avec ches jupes et robes bien juponnées.
Pis quanque l'heure arrivot, ben, in s'in allot à pieds par n'importe quel temps alors, ches caveux, ches soins d'beauté ils in prenottent un sacré cop, in arrivot pas toudis dins un état impeccape ! ch'étot mi graffe, nous in savot c'qu'in avot fait avant pour ête belles. Après cha polkas à la Kubiak et rock and roll in n'veyot pus trop nos efforts.
Cha m'fait rire quanque je me rappelle tout cha, in étot jones et in étot pas les seules files à faire cha, et j'l'argrette pas.
ça me rappelle aussi qu'on avait des astuces comme de se mettre un mélange de jaune d'oeuf un peu d'huile et pour arômatiser à peine un peu de rhum tout ça sur les cheveux, rincer à l'eau tiède et finir avec un shampooing , et c'est vrai ! que la bière faisait des miracles avec les rouleaux ou bigoudis .
Bonne année à tous
bin nous chés HOMMES , pour bin faire ténir nous caveux in mettot du savon , et cha ténot bin , seulemint si yavot l'malheur ed' pleuvoir alors la chétot catastrophique