eune tradition del candeleur
par Marie-Claire le, 02/02/2012Ouais aujourd'hui, 2 février, ch'est l'cand'leur et qui dit cand'leur dit crêpes
Crêpes, crapettes, ratons et pétete d'autes noms incore
Y a eune tradition quand in fait chés crêpes à l' candeleur, ch'est d' ténir eune pièche dins s'main gauche
Mi j'a toudis vu faire cha dins m'famile, os zetes pas obligés dé l' ténir pour toutes chés crêpes mais au moins queques eunes et les puristes vous diront qui faut in même temps faire sauter l'crêpe del main droite
L' candeleur qui vient du mot candelle (chandeleur chandelle), s' fête 40 jours après Noël, in fait ch'est l'jour del présentation de Jésus au temple. Ché eune fête liée à l' lumière et à l'prospérité
C' qui esplique l' coutume del pièche dins s'main pour s'assurer prospérité tout au long d' l'année
pourquoi des crêpes au fait à c' t' occasion, ben là cha aurot un lien avec le soleil
J' vous armets pas l'arcette qui est déjà su ch'site, mais j'mets un lien ci-dessous
les crêpes à la bière
J'ai toudis intindu chez nous m'mère dire
A l'candeleur l'hiver s'arrête ou prind vigueur
Ches jours chi in est bien partis, i a l'air d'arprinde del'vigueur !
bin n'étant pas avec chés idées la , el tradition al resse quand même , j'ai mingé des crêpes al castonnate hier soir , ché bon et cha m'évite ed' mette em'salle à minger , in corvée d'moins , et pi pour em femme ech'souper yé fait pour ed' main ou in aute jour , fourrées avec champignons et j'sais pu quoi chés crêpes direction congel , cor in bonne manière pour elle ed' rin faire