toudis là , recherches généalogiques

bonjur tertousses et tertoutes, in a archu plusieurs mails ché jurs chi , s inquiétant qui yavo moins d' nouvelles histoires inch' momint

savez, cha fait djà 7 années que j' creusse mes méninches pour m arsouv'nir d' cosses du passé, ou plutot cha vient naturel'mint ,mais qu au bout d un momint comprenez qu à forche d' cacher j' comminche à in avoir fait l' tour des souv'nirs dem' caboche ....

pi y a aussi que nouzautes aussi, avec Marie Claire , in n est pas exclusiv'mint que sur Histoires de Chtis, y a aussi l' passion commune qu in a d arcacher nos taions au travers des archiffes départementales du nord , du pas de calais et de la somme , asteure en ligne sur internet

j' me souviens avoir comminché en 2000, sérieus'mint à cacher la trace d' mes taions

traval long et fastidieux, et cor j avo la chance d avoir mes parints alors agés de 90 et 81 ans , qui zavotent cor pas mal d' souvenirs del famile en tiete, et un paquet d' faire parts accumulés , que cha m a permis d' commincher avec eune base solite

aprés j a invoyé , j' sais pas combien d' demintes d acte dins ché mairies

j a eu del chance, les recherches généalogiques prenotent déjà de l ampleur mais chéto pas cor le hobby que ch est devenu, et pas mal d' mairies ont répondu à mes demantes d invo d' photocopies d actes d'état civil

j' sais que rapid'mint aprés, y a pas mal d' mairies qui , vu l' nompe d'personnes qui demindotent des photocopies d actes soit vous rinvoyotent directemint aux archiffes du pas de calais près d arras ou alors vous faizotent payer la photocopie d un acte d état civil, j' me souvient cor que cha couto à l époque 10 francs par acte , cha commincho à couter les ziux d' la tiete

asteure grace à la numérisation des zactes d état civil de plus de 100 ans : naissances, mariaches, décés , sans oublier les tables decennales et les recensemints qu asteure in trouffe scannés sur les sites des archiffes départementales, in fait cor d' sacrées découvertes

comme diro l' expression à la mote ché recherches ch est "chronophage " tout cha pour dire que cha print du temps et que travailler, avoir s' vie familiale, s' occuper d histoires de chtis et des recherches généalogiques, cha print du temps dans eune journée

bin amiteus'mint minloute

bin ouais mais quo qu'té veux tertous in a pas des souvenirs comme ti minloute et pi surtout, in'da pas grammint (j'pinse) qui sintent capapes ed'raconter in détal le souvenirs
mi mes souvenirs y m'arvientent in général quand in min parle et bin sur chés détals avec , mais après faut s'aligner et cha ché in aute paire ed' manches