em premiére bess
par chtitalienne le, 05/02/2012In a fait eunn fete aux Cours Pigier d' Bethune avant ché Vacances d' Noel.
Ej sus in premiére année , j'ai 15 ans et demi. Ché mi qui a l'honneur ed donner l'belle plante qu'in a acatée al Directrice. Al est continte. In a poussé ché bancs et on danss l'rock and roll . Y'a Christian qui vient toudis m'ker pour danser.. In s'amuss bien , in rigole bien aussi.
Y'é déjà 16h 30 , in sort
ouais, allez bonnes vacances , in s'imbrasse tertouss , à l'année prochaine.
J'armontt l'Avenue d'Lens avec m'bande d'copains d'Auchel , in va printt ech'bus al gare routiére pour rintrer al maison.
In a toudis l'habitude ed s'assir sull banquette au fond d'ech bus. Ej sais pas si chétot l'euphorie d' ché vacances ou quoi , mais vla que Gilles "ech bieau gosse" i s' assis à coté d'mi, i met sin bras autour ed min cou , ej fesos chelle qu'iavot déjà vécu tout cha mais "NAN" mes gins, chétot l'premiére fos et din ché viraches ed Chocques j'ai pu gouté aux délices ed'min premier baiser.. Notre tiote histoire a duré 6 mos jusqu'aux grands Vacances d'été 1966..
PS: ej vous raconterai pas em premiére fos , j'oseros jamais, et pis l'derniére non pus pasque ej m'in souviens pus...
vaut miux pas sinan yarot des d'mantes ed' reconstitution