Les jardinsj avo oublié cha ....
par minloute le, 06/02/2012vinguette ché ch' matin au traval que j a trouvé cha, savez ché cal' pins qu in voyo toudis quand qu in éto tchiot
j a d'mindé à min collegue d' m in donner un exemplaire, et là tout d' suite j' savo que "j'teno un sujet" pour c' soir ....
ché calepins là, ou bloc notes publicitaires, té lé voyo beaucoup avant l' aven'mint des grands magasins, donc in peut dire qui zont connus leur age d or entre 1950 et 1970
chéto au temps du qu in s' servo pas nous meme dins ché magasins et que chéto eune vendeusse qui nous servo
l'meilleu exempe que j' pourro donner bin sur pour évoquer cha, ché Monique qui travaillo chez Mr et Madame Leroy , ch' marchand d' fruits et légueumes d' la rue Anatole France dans les années 70
avec sin air toudis souriant , et quand que j' dis cha cha n a rin d' péjoratif, ale éto souriante d' nature , Monique ale peso ché légueumes, pi ale noto sur un bout d' papier c'que cha faijo à chaque coup, pi quand qu in li dijo que "chéto tout" ale faijo l addition vite fait avec sin stylo bic modèle M 10 clic..........
pi yavo un aut' avantache , ché qui nous zarrivo aussi que nos parints en récupère aussi
mi j' me souviens quand qu in allo chez Willaume , ch' marchand d' vins , bieres et spiritueux, i nous zavotent donné ché tchiots calepins pi des buvards, tout cha avec l' publicité pour l' io de marque Pierval
"Pierval, l' eau de votre bébé" , chéto le slogan qu in voyo sur tous ché supports publicitaires
alors ché jones files ale zont souvint jué à la marchande in utilisant ché fameux calepins publicitaires
asteure avec l arrivée des codes barre, des calculatrices, des caisses modernes , ché fameux tchiots calepins i zont presques tous disparus, presque tous, la preuve ,on in artrouffe cor quequ' zuns ....
ichi ya cor ech'livreur ed' mazout , qu'ya un carnet d'réclames , mais l'réclame rin qu'pour li
cha m'fait arpinsé ach'boucher din l'temps (tout d'suite j'lai arvu) avec sin tablier et surtout sin crayon as'n'orel, imballer ch'bisteak din sin papier l'poser d'su l'balance , et saquer sin crayon d'bos des n'orel , et marquer ch'prix , tout cha avec in destérité incroiape
( 1 photos)
