Bétôt 300 ans d'carbon !
par TIOT RITAL le, 10/02/2012Ouais , bétot 300 ans qu'in a découvert el carbon in France! Ch'tot el 3 février 1720 au quartier du Trieu,(coté rue Renard, fosse Collard) à Fresnes su Escaut, (à 10 km ed Volinciennes).
Les overriers (in n'les app'lot pon cor carbonniers)i z'ont foui, creusé l'tierre pindint 18 mos avant d'treuver el preume couche d'carbon el 3 février !
Edon ch'mos chi, pusieurs associations ed Fresnes c'minch'te à célébrer ch't'anniversaire !
Ainsin, el 18 février. A 17 h, fot daller Plache du Trieu à l'stèle qui ramintuve ch't'évèn'mint. Après , in ira salle des Fiètes (salle des frères Martel) plache Barbusse, dus qué des gins persint'ront des tecstes su l'Mine et su l'décoverte du carbon.
Cha s'ra eine vraie fiète aveuc dé l'musique et animations ! Bin seur in pourra minger el briquet du carbonnnier, tartènes ed fromache et dé l'tarte au chuque. Fresnes est parti pou faire cha chaque an dusqu'in 2020 !
Bin seur , not' comarate Guy Dubois i s'ra là et pal'ra d'l'histoire des carbonniers mais aussi i cont'ra, comme i sait si bin l'faire , des histoires ed Cafougnette !
Bref , ch'est eine belle Fiète qui d'vrot intéresser in preume les habitants du bassin minier et même tous les gins du Nord-Pas d'Calais!
on artient que le 18 février à Fresnes sur Escaut , près d' Valenciennes, in va feter ch' t 'éven'mint là , à partir de 17 heures al' plache du Trieu
in tout cas nos amis belches eux cha armonte au moyen ache en 1229 plus précisémint ....
faut dire qui yavo des zindrots du qu ch' carbon soit i affleuro , soit fallo creuser bin moins profond pour l exploiter, in tout cas avec les moyens d' l époque ...........
plus tard avec l industrialisation, le Borinage connaitra son heure de gloire avant de connaitre dès la fin de la premiere guerre mondiale une longue période de déclin
J'auros voulu poser eune tiote question
j'm'a laichée dire mais sous toute réserve, j'a même lu que chétot eune légende ... enfin i n'a pour dire que du carbon avot été découvert dins l' Boulonnais à Hardinghem vers 1660
Qu'en est-il ? est-ce que quelqu'un a des informations précises là d'sus ?