Les jardinsun pressintimint ed manman..
par chtitalienne le, 18/02/2012NAN , té n'sortiras pas euss'soir!!!
Ej fais la gueule, pfff j'ai rindez-vous avec mes copains pour aller à l'salle Polonia , cha fait 3 mos qu'ej sors avec euss (surtout avec Raymond)
Bin Man pourquoi??? quo qu'j'ai core fait?
Rien, té n'sors pas un point ché tout!
Ravisse Lucienne (m'vosine) al sort pas elle l'Samdi , t'as qu'à faire comme elle!
Ej minche sans pus parler et pis ej grimpe dins m'champe !
BOUM BOUM BOUM , j'ouff mes yux ché quo cha? qui ché qui buque al porte, in est in pleine nuit.
BOUM BOUM BOUM, min pére i dévale ché escaliers à toute vitesse , j'intinds parler in bas, ---l'porte d'em champe al s'ouvre tout duchmint .
T'é la ?
Bin ouais papa , quo qu'ia??
Y'ardeschind aussi vite
je m'léff et j'ravisse al fenett, y'a l'203 noirte ed ché flics devant l'maison.
Ej deschinds aussi, alors la, in m'explique que J B y'a pris l' DS ed sin pére dinch'garage , i 's'est tué dins un virache , y'a Jean aussi qui est mort et comme y'a aussi einne tiote jeune fille morte et qui safftent pas sin nom , i z'avottent été informés par des gins qu'ej sortos avec euss et que chétot surmint mi ...
J'apprinds que Raymond y'é au C.H.R à Lille , i s'in sortira.
Si j'étos sortie ess'soir là , ouais, si j'étos sortie ess'soir la....
