el publicité-papier (1)

j'vous avo mis un buvard des années 50 qui faiso del publicité pour el bonne bière à donner à ché z'infants et à ché mamans, et bin v'la inne aute publicité pour inciter ché gosses à boire du café

aaah ech'café Dya , chétot ch'tilal qu'al acatot manman , j'avos ker quand al ouvrot ch'paquet pasque y'avot toudis eunne tiote tasse bleue in plastique et pis y'avot des bons pour avoir des cadeaux
ché comme cha que j'ai eu min premier et unique grand baigneur , je m'rappelle core quand y'é arrivé à mon Simone l'épiciére in bas de l'rue , y'étot dins eune boite in carton griss appuyée à coté d'ché journaux, quand j'ai ouvert l'porte min coeur i battot à toute volée et pis al m'a dit l'fameuss phrass " PRINDS LE, CHE POUR TI !!" Vindiousse mes gins que joie!!!

el café DYA chéto note jeunesse. mais vous savez qu'il existe toudi. Ché héritiers del brulerie ... d'Aire sur le Lys, j'cro, i z ont ouvert des magasins Discount à l'enseigne DYA Soldes, à Lillers et à Noeux les mines notamment, et i vindent cor du café Dya au milieu de tous les articles in solde.

In parlant d'ché tiots qui buvotent du café, j'ai une anecdote que j'vais essayer de faire court. J'étos instit à l'école Loubet, j'avos armarqué qu'un élève gentil et studieux, certains jours au matin i n'savo pu rien , mais rien de rien . I m' raviso avec des yeux d'merlan, avec un un air de m'dire "mais quoi ché qui m'demande ech l'instituteur??"
j'ai compris un jour que ché élèves i z'ont parlé de leur petit déjeuner en entretien de début de classe : min élève studieux, i nous a raconté, mi patois mi français ::"ce matin j'ai mangé des tartines de confiteure, et j'ai bu un café bistoule avec ma maman".
Tout de suite après, j'ai voulu l'faire lire au tableau, ET!! i n'zavo pu rien de rien. En fait, les jours d'oubli de sin savoir, ech jone i éto beurré comme un coing